Amose 4:6 - MUKANDA USANDU WA ZAMBI 1975

⁶ Nanuhele makanwa ja zala mu yihunda yenu yeswe, ni kuhona cha mbolo mweswe mu chifuchi chenu, hindu kunwahilukile kuli yami. Chocho kanambe Yehova.

Mukanda Wa Zambi 1970

⁶ “Yami nanuvwishile zala mu membo jenu eswe, kashika kunwabwile ko ni yakulia. Chibwe chocho kunwahilukile kuli yami.

Amose 4:6 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 18:2

Mba Eliya yaya asoloke kuli Ahabe, kapunga te mukalu chikolo mu Samaria.

1 MIANANGANA 4:38

Elisha yeza nawa ku Ngilingali alioze kwapwile kapunga mu chifuchi. Ana ja aprofeta atwamine kumeso jenyi. Aye yamba kuli kavumbi kenyi ngwenyi, Alika lundeho utelekele ana ja aprofeta kulia.

1 MIANANGANA 8:1

Achi Elisha te hahanjika ni pwo yoze wahindwishile mwanenyi wa lunga nikumwaha mwono ngwenyi, Katuka uye ni akwa zuwo lie ukatwame kweswako mutwama, mumu Yehova hatambika kapunga, mba kumeza ha chifuchi miaka shimbiali.

2 Sango Ja Mianangana 28:22

Ha miaka ya kupinda chenyi (yono mwene mwanangana Ahaze) yatangula kuhiana shimbi ja Yehova.

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Izaya 3:1

Mumu Mwene Yehova-wa-Tujita kanachiza kuli A-Yerusaleme ni A-Yunda ni pango ni mulumbu, ujikijilo weswe wa mbolo, ni ujikijilo weswe wa meya;

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:13

Atu katewulukilile kuli yoze waalambile, kafupile Yehova-wa-Tujita.

Jeremia 14:18

Nyi mungutuhuka mu yambu, afu ja ku katana wika! Nyi mungunjila mu chihunda misongo ya kapunga wika! Mumu aprofeta ni asasendote kanalingi milimo yo mu chifuchi, alioze yinyingi yakuhi.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 16:27

Kashika nazozele kwoko liami kulimika ni yena; natepulwile chihanda che cha kukusela, ni kukukunjika ku chipululu cha akwa kole je, mapwo ja A-Filistea waze evwilile sonyi ndako je ja usolo.

Hosea 11:5

Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Joele 1:16

Yifwo hanayitete kumeso jetu. Chiseke ni uwahililo hanayitete ku zuwo lia Zambi yetu.

Alevi 26:23

Nyi hindu chipwe ni lufumbo yono kunuchi kutewulukila kuli yami, alioze munwenda nikulimika ni yami,

Alevi 26:26

Muze mungunuhonesa kulia chize nwafuliela, kumi lia mapwo mocha mbolo jenu mu forno yimuwika. Manuzongelajo ha pezu hindu munulia kunuchi kukuta.

Hagai 2:17

Nanulambile ni yenu ni milimo yenu ni mbongola, ni mbundu, ni chiwe, hindu kunwahilukile kuli yami. Chocho kanambe Yehova.

Shimbi 28:38

Munukambata mbuto yinji ku munda, munukakunga yikepe, mumu makumbi makayilia.

Usolwelo 2:21

Namuhele shimbu, hanga alikonyeke; iye kasolo kulikonyeka ha utanji wenyi.

Rute 1:1

Ha matangwa muze ngaji ayulile mwapwile kapunga mu chifuchi, mba umwe lunga wa ku Mbeteleme-Yunda wayile mukutwama mu chifuchi cha Moape hamwe ni mukwo-pwo ni anenyi aali a malunga.