Amose 4:4 - MUKANDA USANDU WA ZAMBI 1975

⁴ Tweyenu ku Mbetele nukavulumune. Tweyenu ku Ngilingali nukokese milonga. Nehenu yitapo ha chimene tangwa ha tangwa ni milambu yenu ya chihanda cha kumi ha matangwa atatu, ha matangwa atatu.

Mukanda Wa Zambi 1970

⁴ Mwene Zambi kanambe ngwenyi: “Aisraele, yeenu ku limbo lia Betele, homa ha chijila, vulumunenu! Yeenu ku limbo lia Gilgale, vulumunenu kuhiana! Nehenu yimuna, alambulenu chichamene tangwa ha tangwa, nehenu milambu yenu ya Chihanda cha kumi ha matangwa atatu atatu.

Amose 4:4 Iomraidhean Croise

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Ezekiel 20:39

Ha kutwala kuli yenu, akwa munyachi wa Izalele, Mwene Yehova kanambe ngwenyi, Yénu nukalingile mutu mweswe mahamba jenyi, chipwe haliapwila chipwe kulutwe, nyi kunwangupanjikile. Alioze jina liami lisandu kunuchi kajilula nawa nilimwe tangwa ni milambu yenu ni mahamba jenu.

Hosea 12:11

Nyi uhenge muuli mu Ngiliate kumakalumuka amokomoko. Nyi malambula kuji a ngombe mu Ngilingali makapwisa yilumbilo yo ngwe milumba ya mawe ha mihanga mu minda.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Amose 3:14

Ha tangwa lize mungulamba Izalele mumu ha mutonga wenyi, mungulamba yilumbilo ya Mbetele. Makateta mbinga ja chilumbilo jikaholoke hashi.

Amose 5:5

Alioze kanda nufupa ku Mbetele; kanda nunjila ku Ngilingali chipwe kuzauka ku Mbia-shipa. Mumu akwa Ngilingali makaya ku unjize ni akwa Mbetele makaapwisa mokomoko.

Mateu 23:32

Ni yenu nwakuzalisa njongo ya akakenu.

Mateu 26:45

Hohene yeza kuli tumbaji, ngwenyi, Fungunukenu haliapwila, nuhwime; ola yinakundama, makunjika mwe Mwana Mutu ku moko ja yivulumunyi.

Marku 14:41

Iye yeza chisuho chamuchitatu, yamba kuli ayo ngwenyi, Fungunukenu haliapwila, nuhwime: kunahu; ola hiyeza; talenu, makunjika mwe Mwana Mutu ku moko ja yivulumunyi.

Marku 5:5

Matangwa eswe, ufuku ni mwalwa, wapwile ha milundu ni mukachi ka chifuka nikukololoka, nikulipula ni mawe.

Shimbi 26:12

Ha kumana kuhana yihanda yeswe ya ku kumi ya kwoka chenu ha mwaka wamuchitatu, wenawo mwaka wa kuhana yihanda ya ku kumi, nukachihane kuli A-Levi, ni kuli njize, ni kuli shiwa, ni kuli twamishi, hanga akalite mu yihunda yenu, akakute.