Amose 4:2 - MUKANDA USANDU WA ZAMBI 1975

² Mwene Yehova halishinga ni usandu wenyi ngwenyi, Matangwa meza kwiza hali yenu muze makanuchizako ni yikungo. Waze makasulako makaachiza ni tuzambu.

Mukanda Wa Zambi 1970

² Mwene Zambi halishinga ni ulinange wenyi ngwenyi: “Matangwa maakeza muze maakanuchiza ho ni malowa; mutu mweswe mukachi kenu makabwa ngwe yishi ku lowa.

Amose 4:2 Iomraidhean Croise

Miaso (Masamu) 89:35

Kamuwika kunahu hingunalishingi ni usandu wami. Chichi kuhanjika mahuza kuli David.

Miaso (Masamu) 89:36

Munyachi wenyi muukalinduluka ku miaka ya mutolo. Ngunja yenyi muyikalinduluka miaka yeswe ya lie tangwa kumeso jami.

Izaya 37:29

Mumu unanguvwila ufwatulo, ni kulizata che hichanguheta mu matwi, kashika mungusa chikungo chami mu zulu lie, mungusa lelia liami mu kanwa lie, mba mungukuhilwisa kunyima mu jila yize yene wejilile.

Jeremia 16:16

Yehova kanambe ngwenyi, Ngunatumina akwa kutela yishi anji, mba kumakaoza; mba kulutwe mungutumina yingyanga anji, no maahanga ku milundu yeswe, ni mindundena yeswe ni ku yivwenge.

Ezekiel 29:4

Mungukanjisa tuzambu mu mbangachi je, mungukakoka yishi a mu njiji je akalamate ku yihahi ye. Mungukakusosa hakachi ka njiji je hamwe ni yishi a mu njiji je aze analamata ku yihahi ye.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Ezekiel 38:4

Mungukakwalumuna; mungukasa tuzambu mu mbangachi je ni kukukoka haze, ni tujita twe eswe, ni tuvwalu ni akwa kwendesa tuvwalu, eswe a kuzala utale, mbunga yinene, eswe ni kepwe jinene ni jikepe, nikukwata tutana.

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Amose 8:7

Yehova halishinga ni ulemu wa Yakomba ngwenyi, Pundu chichi kavulama yitanga yo niyimwe.