Amose 4:13 - MUKANDA USANDU WA ZAMBI 1975

¹³ Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Mukanda Wa Zambi 1970

¹³ Zambi wawumbile milundu, watangile fuji. Kakusolwela atu manyonga jenyi; kakwalumuna mwalwa kubwa ufuku. Kakuyula hashi heswe. Jina lienyi: Mwene Zambi Mukwa Ndundo Jeswe!

Amose 4:13 Iomraidhean Croise

Jobe 9:7

Mámbila tangwa mba kulichi kuvumbuka; mayika matongonoshi.

Miaso (Masamu) 135:7

Kakwandula chishichishi ku masongo a hashi. Katutanga mihenyo ya vula. Kakuchiza fuji ku upite wenyi.

Miaso (Masamu) 139:2

Unanyingika ni kutwama chami ni kukatuka chami. Kunyonga chami kuchakulumbunuka kuli yena chipwe kusuku.

Miaso (Masamu) 147:18

Kakutuma liji lienyi akayisangunune. Kakuhehula fuji yenyi, mba meya mapukuka.

Miaso (Masamu) 65:6

Yoze wakukolesa milundu ni tachi jenyi, nikulijichikila ni ndundo.

Kutuhuka 10:22

Mose yolola kwoko lienyi kwilu mba ha matangwa atatu mwapwile milima pwi lume mu chifuchi cheswe cha Engitu.

Kutuhuka 14:20

Yiliya mukachi ka chendo cha A-Engitu ni chendo cha A-Izalele. Kwapwile lelwa ni milima, hindu liatemwine ha ufuku. Chocho ufuku weswe kalikundamine.

Izaya 40:12

Iya wazongele kalunga-lwiji mu kwoko lienyi? Iya wafunjikile malilu ni kwoko? Iya wasele fufuta ya hashi mu njongo? Iya wapezalishile milundu yinene ha mbalansa, ni mindundena ha mbalansa yikepe?

Izaya 45:7

Nakulinga pangu, nakutanga milima, nakulinga yipema, nakutanga lamba, yami nakulinga yuma yino yeswe, mwe Yehova.

Izaya 47:4

Mukwa-Kutukula—iye mwe Musandu wa Izalele, jina lienyi Yehova-wa-Tujita.

Izaya 48:2

Mumu nwakulisa jina lia chihunda chisandu, nwakujikijila hali mwe Zambi ya Izalele, jina lienyi Yehova-wa-Tujita.

Izaya 5:30

Kumakakenanyinako ha tangwa lize ngwe kuchungula cha kalunga-lwiji. Nyi umwe matala ku chifuchi, kumanyi milima ni kupinda, ni mwalwa unala ni malelwa jako.

Jeremia 10:13

Muze mahiohiesa liji lienyi kwapwa lundunjila wa meya mu malilu. Kakwandula mbundu ku masongo a hashi. Kakutanga njaji ja vula; kakuchiza fuji ku machila jenyi.

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Jeremia 46:18

Mwe Mwanangana jina lienyi Yehova-wa-Tujita kanambe ngwenyi, Ni mwono wami, chizechene ngwe Tabore hakachi ka milundu, ngwe Karmela ku kalunga-lwiji chocho meza.

Jeremia 51:16

Muze matuhwisa liji lienyi kwakupwa kunuma cha meya mwilu, kakwandula mbundu ndo ku masongo a hashi. Kakutuma njaji ja vula, kakuchiza fuji mu mazuwo jenyi a kuswekela.

Jeremia 51:19

Yoze wapwa chihinga cha Yakomba kapwile ngwe wano, mumu iye wawumbile yuma yeswe, Izalele lie vungu lia chihinga chenyi, jina lienyi Yehova-wa-Tujita.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Daniel 2:30

Alioze ha kutwala kuli yami, chijimbikilo chino hanangujimbwilacho hanga mwanangana akanyingike ulumbunwiso, hanga nukanyingike manyonga a mu mutwe wenu. Kuchapwile ngwe yami nguli ni mana kuhiana akwa mwono akwo.

Hosea 12:6

Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Amose 3:13

Mwene Yehova, Zambi-ya-Tujita kanambe ngwenyi, Ivwenu nukashindakenye munyachi wa Yakomba ngwe,

Amose 5:27

kashika mungukanutwala ku unjize sali lize lia Ndamaseku. Chocho kanambe Yehova yoze kali ni jina lia Zambi-ya-Tujita.

Amose 5:8

Yoze watangile Kungulwila ni Muta-ni-kawa, yoze wakwalumuna ufuku pwi mu kucha, yoze wakwalumuna mwalwa mu ufuku, yoze wakusanyika meya a kalunga-lwiji nikwazukwila ha kuzazuluka cha hashi, jina lienyi Yehova,

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Amose 8:9

Mwene Yehova kanambe ngwenyi, Ha tangwa lize mungukanjisa tangwa ha tangwa ha muchima. Mungulayisa hashi ha ola ya mwalwa.

Amose 9:6

yoze wakutunga yipatulo yenyi ya kwilu mu malilu nikusa kuzazuluka chenyi helu lia hashi, yoze wakusanyika meya a kalunga-lwiji nikwazukwila ha mavu—jina lienyi Yehova.

Mika 1:3

Mumu nyingikenu, Yehova kanakatuka kuma kwenyi, kumakahulumuka ni kuliata ha milundu ya hashi.

Habakuke 3:19

Yehova Mwene iye tachi jami. Kakupwisa molu jami ngwe molu a kai. Kakungwendesa ha milundu yami. Kuli njimba wa lutwe: ha yisaji yami ya kusa.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Mateu 9:4

Alioze Yesu, nikunyingika yishinginyeka yo, wambile ngwenyi, Kuchi te nunashinginyeka yuma yipi mu mbunge jenu?

Yoano 2:25

kafupile umwe ashindakenye hali atu; mumu iye mwene wanyingikine chize chili muli atu.

Yoano 3:8

Ye fuji muyipalika kweswe muyipala, ni yena muwivwa liji liayo, alioze kushi kunyingika kuze muyikatuka ni kuze muyiya: chocho apwa mweswe wakusemuka kuli Spiritu.

Shimbi 32:13

Wamwendesele ha manangamo a hashi. Yamulisa kulia cha ku minda. Yamwaha kushisa wuchi ku liwe. Ku liwe lia utale yamwaha maji.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.