Amose 4:12 - MUKANDA USANDU WA ZAMBI 1975

¹² Kashika mungulinga chino kuli yenu A-Izalele, mba se mungulinga chino kuli yenu hililulikenu kuliwana ni Zambi yenu enu A-Izalele.

Mukanda Wa Zambi 1970

¹² Ha chino, Aisraele, mungukanumwesa lamba. Kashika lilulikenu ha ubatwilo wami!” Chenacho anambe Mwene Zambi.

Amose 4:12 Iomraidhean Croise

Izaya 32:11

Chikimenu, enu mapwo nunahwimi, pwenu ni lwaji, enu kunushi woma; Zulenu, lifukulenu nukazale chikeleyi mu zalilo jenu.

Izaya 47:3

Makufukula uselesele we, mba sonyi je mujikamoneka. Mungufwetesa; chichi kuvwila keke niumwe.

Izaya 64:2

ngwe kahia kakukwata ku yitete, ngwe kahia kakufulwisa meya— hanga ukafumanyise jina lie kuli akwa kulimika ni yena, mavungu akachikime ha kuheta che.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Ezekiel 13:5

Kunwakandukile ku yituwa mu chipanga-cha-mawe. Kunwatungile chimwe chipanga-cha-mawe ha munyachi wa Izalele chikajikize mu jita ha tangwa lia Yehova.

Ezekiel 22:30

Ami yingufupa umwe hakachi ko, mutu yoze matunga nawa chipanga-cha-mawe, ni kumana mu chituwa kumeso jami kulamwina chifuchi, kanda nguchonwona, alioze chawanyine niumwe.

Hosea 13:8

Mungwalundumukina ngwe ursu yoze hamwiya ana jenyi. Mungwapula pambo; kwenako mungwaha ngwe ndumba; ngwe ngongo kakwapapulula.

Amose 2:14

Tambu mujihwa kuli akwa tambu ni akwa tachi kechi kapwa nawa ni tachi jo. Chipwe akwa ndundo kechi kulamwina mwono wo.

Mateu 24:44

Kashika ni yenu nawa lilulikenu; mumu ha ola yize kunushi kushinginyeka mwe Mwana Mutu meza.

Mateu 5:25

Litese nikawashi ni mukwa kole ye, shimbu uli hamwe nenyi mu jila, kuchina hanji mukwa kole ye makukunjika kuli sopi, ni sopi makukunjika kuli kapita, akakumbile mu zuwo lia ususu.

Usolwelo 3:3

Iwuluka kashika ngwe watambwile, ni chize wevwile; uchifunge, Ulikonyeke. Kashika nyi kuchi kulá, mungukeza ngwe mwiji, kuchi kunyingika ha ola yize mungwiza hali yena.