Amose 4:11 - MUKANDA USANDU WA ZAMBI 1975

¹¹ Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Mukanda Wa Zambi 1970

¹¹ “Nashihile amwe hakachi kenu ngwe chize nashihile atu a mu membo a Sodome ni Gomora. Yenu waze nwasalile nwabwile ngwe lukunyi yoze anachangumuna mu mbwemena ya kahia. Hindu kunwahilukile ko kuli yami.

Amose 4:11 Iomraidhean Croise

Izaya 13:19

Babilonia, uhenya wa yifuchi yeswe, ulamba ni kulengumuka cha A-Kaletea, kumuyikapwa ngwe Sondome ni Ngomora muze Zambi wayinungwine.

Izaya 7:4

Amba kuli iye ngwe, Panjika uhwime, kanda wivwa woma, ni mbunge ye kanda yilezumuka mumu ha yimbunji yino yiali ya kufwinda, chipwe ha utenu usasu wa Rezine ni Seria, ni mwe mwana Remalia.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 49:18

Chizechene ngwe muze hanunguna Sondome ni Ngomora ni yihunda ya kujingilika niumwe matungako, niumwe matwamako njize, chocho kanambe Yehova.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 50:40

Chizechene ngwe muze Zambi wanungwine Sondome ni Ngomora, ni yihunda ya kuyijingilika, chocho niumwe mutu matungamo, niumwe mwana mutu matwamamo njize. Chocho kanambe Yehova.

Ezekiel 24:13

Ngengeya yamo ayo usolo wenu wa luchisa. Ami nazangile kunupemesa, ni yenu kunwapemene ku luchisa wenu, kashika yenu kunuchi kapema nawa ndo mungukahwisa ufwatulo wami hali yenu.

Hosea 11:5

Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Amose 4:6

Nanuhele makanwa ja zala mu yihunda yenu yeswe, ni kuhona cha mbolo mweswe mu chifuchi chenu, hindu kunwahilukile kuli yami. Chocho kanambe Yehova.

Hagai 2:17

Nanulambile ni yenu ni milimo yenu ni mbongola, ni mbundu, ni chiwe, hindu kunwahilukile kuli yami. Chocho kanambe Yehova.

Zakaria 3:2

Yehova yamba kuli Satana ngwenyi, Satana, Yehova akukanjise! Yehova mukwa kutongola Yerusaleme akukanjise! Yono hi mutondo ko wa kuchangumuna ku kahia?

A-ROMA 9:29

Ngwe ambile Izaia kushi ngwenyi, Twapwile ngwe Sondome, atupwishile ngwe Ngomora, shina Mwene wa yizavu ya tujita watuhichikilile ana.

1 Korintu 3:15

Kachi chitanga cha umwe muchiwema, kachi makafulwa; alioze iye mwene makamulamwina, hindu ngwe wapalika mu kahia.

Shimbi 28:24

Yehova makapwisa vula wa chifuchi chenu wungawunga, ni fufuta, kwilu muyikanunoka, ndo muyikanwonwona.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.

Yuda 1:23

ni akwo alamwinenu nikwachangumuna ku kahia; ni akwo avwilenu keke ni woma; mazalo a luchisa wa musunya nukaavwile kupiha.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.

Usolwelo 9:20

Mba masalila ja atu aze kaashihile ni lamba lino, kalikonyekeneko ha yitanga ya moko jo, hanga kechi kawayila andemoniu, ni mahamba ja oru, ni ja prata, ni ja kengelia, ni ja mawe, ni ja mitondo; waze kahashileko chipwe kumona, chipwe kwivwa, chipwe kwenda: