Amose 4:10 - MUKANDA USANDU WA ZAMBI 1975

¹⁰ Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Mukanda Wa Zambi 1970

¹⁰ “Nanutuminyine chipuho ngwe chize nachituminyine akwa Egiptu. Nashihile akweze jenu mu jita, nambachile tuvwalu twenu. Nabihishile misumba yenu ni vumba libi lia afu jenu. Hindu kunwahilukile ko kuli yami.

Amose 4:10 Iomraidhean Croise

1 MIANANGANA 10:32

Ha matangwa aze Yehova yaputuka kutepulula Izalele. Hazaele yaapupa mu njiza jeswe ja Izalele,

1 MIANANGANA 13:3

Utenu wa Yehova wasasaminyine kulimika ni A-Izalele, mba yaahanahana matangwa eswe ku kwoko lia Hazaele mwanangana wa Seria, ni ku kwoko lia Mbene-Hadade mwana Hazaele.

1 MIANANGANA 13:7

Mwanangana wa Seria te hahichika kuli Jehoahaze makumi atano a akwa tuvwalu wika, ni kumi lia matemba-a-jita, ni kumi lia tununu twa maswalale a kwenda hashi. Mumu mwanangana wa Seria waonwene, waapwishile ngwe yizungu ya ha chizungwilo.

1 MIANANGANA 8:12

Hazaele yamba ngwenyi, Mwene wami, yika nunalilila? Aye yakumbulula ngwenyi, Mumu ngunanyingika yuma yipi yena mulinga kuli A-Izalele. Kumukocha kahia mbonge jo; akweze jo kumukashiha ni katana; kumukapalwola ana jo akemba; kumukahangula tufumba two.

Kutuhuka 10:27

Alioze Yehova wakalishile mbunge ya Falau, kaechele kuya, ka.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Kutuhuka 14:4

Yami mungukalisa mbunge ya Falau. Iye kumakaakaula. Mungukazuka ulemu kuli Falau ni ku yizavu yenyi yeswe. A-Engitu eswe kumakanyingika ngwo, Mwe Yehova. Chocho alingile.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Kutuhuka 9:12

Yehova yakalisa mbunge ya Falau, kahalakanyine kuli ayo, chizechene ngwe Yehova wambile kuli Mose.

Kutuhuka 9:17

Yena hindu hiwalinangamisa mukulimika ni atu jami, kusolo kwaecha kuya, nyi?

Izaya 34:3

Waze makaashiha hakachi ko makaumbila, ni vumba lia afu jo mulikakupukako; ni milundu muyikapukuka ni manyinga jo.

Izaya 50:11

Enu eswe, nwakuwika kahia nikulijingilika ni maleka! Endenu mu chite cha kahia kenu ni maleka aze hinwawika. Alioze chuma munutambula ku kwoko liami, munupomba ni chinyengo.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:13

Atu katewulukilile kuli yoze waalambile, kafupile Yehova-wa-Tujita.

Izaya 9:17

Kashika Mwene kawahililile ni akweze jo; kavwilile keke ana-ashiwa ni tuliwa jo; mumu mutu mweswe chitanganyanyi ni chihenge, kanwa lieswe linahanjika uhepuke. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 11:22

kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Jeremia 15:3

Yehova kanambe ngwenyi, Mungusa hali ayo yonwonyi awana ngwami, Katana kushiha, ni tuwa kuwumbula, ni tujila a mu tetela, ni tushitu a hashi kulia ni kwonwona.

Jeremia 16:4

Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 48:15

Mwe Mwanangana jina lienyi Yehova-wa-Tujita kanambe ngwenyi, Mukwa kwonwona Moape ni yihunda yako haneza mba akweze jenyi ahiana kupema hanayi ku chishihilo.

Jeremia 49:26

Kashika akweze jenyi makalimbuka ha malindalinda ja matapalo jenyi, ni maswalale jenyi eswe makanonga ha tangwa lize. Chocho kanambe Yehova-wa-Tujita.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Jeremia 9:22

Amba ngwe, Yehova kanambe ngwenyi, Mijimba ya malunga afu muyilimbuka hashi ngwe wilo. Muyiholoka ngwe yichita kuli mukwa kucha, mba niumwe mayanda,

Hosea 11:5

Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Joele 2:20

Alioze munguchiza tujita twa ku Norte kusuku ni yenu nikwahumina ku chifuchi cha puya ya hululu. Mungusa maswalale jo a kulutwe ku kalunga-lwiji ku Chivumbuko, ni akwa kunyima ku kalunga-lwiji ku Chitokelo, ni kukupuka cho kumuchikafwinda ni vumba lio lipi kumulikafwinda mumu hanalingi yuma yinene.

Alevi 26:16

chino mungulinga kuli yenu: Mungunutongwela mwongo wa susumuku, ni mukaka, ni kachiki yoze wakupokiekesa meso nikuhongesa mwono. Munukuwa mbuto yamokomoko, mumu akwa kole jenu mayilia.

Alevi 26:25

Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Amose 4:6

Nanuhele makanwa ja zala mu yihunda yenu yeswe, ni kuhona cha mbolo mweswe mu chifuchi chenu, hindu kunwahilukile kuli yami. Chocho kanambe Yehova.

Amose 8:3

Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Hagai 2:17

Nanulambile ni yenu ni milimo yenu ni mbongola, ni mbundu, ni chiwe, hindu kunwahilukile kuli yami. Chocho kanambe Yehova.

Shimbi 28:21

Yehova makanukwachisa chilungo, ndo makanumanuna ku chifuchi nunayi kuchizuka.

Shimbi 28:22

Yehova makanulamba ni musongo wa mukaka, ni kachiki, ni chivukuminya chá ku mujimba, ni kusasaminya cha kahia, ni katana, ni kukonyata, ni kuunda. Muyikanuhanga ndo munukakuwa.

Shimbi 28:60

Iye makaneha nawa kuli yenu misongo yeswe ya Engitu, nwayivwilile woma, muyikakwata kuli yenu.

Shimbi 7:15

Yehova makachiza kuli yenu kuyiza cheswe, kechi kusa hali yenu misongo yipi niyimwe ya Engitu nwayinyingikine, alioze makayisa hali eswe manuvwila kole.