Amose 4:1 - MUKANDA USANDU WA ZAMBI 1975

¹ Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Mukanda Wa Zambi 1970

¹ Banjikenu yenu mapwo a mu limbo lia Samaria, waze nunatoho kuhiana ngwe ngombe a Bashane. Nwakulelesa ni kubinjisa yiswale, nwakwambila malunga jenu ngwenu: “Nehenu tunwe.”

Amose 4:1 Iomraidhean Croise

1 Yitanga Ya Mianangana 16:24

Mba yalanda mulundu wa Samaria kuli Shemere ha ndando ya *talentu jiali ja prata. Yatunga ha mulundu mba yaluka chihunda chize atungile ngwenyi, Samaria mumu ha jina lia mwenya mulundu Shemere.

Jobe 20:19

Mumu hafwenya yiswale ni kwaehuka. Hatambula zuwo lize kalitungile.

Jobe 24:4

Kakuhuma yiswale ku jilo yo; yiswale a muno-muze kakuswama.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 140:12

Ngunanyingika ngwami, Yehova kumakahakwila mukwa luyinda. Kumakahanjikila chize chinalite ni mukwa kuhona.

Miaso (Masamu) 22:12

Makuji a ngombe anji hanangujingilika. Makuji a tachi a ku Mbashane hananguseleka.

Yishima 22:7

Pichi kakuyula chiswale ni mukwa kutambula mukuli mapwa ndungo ya mwenya mukuli

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Izaya 28:1

Lamba ku chipangula cha kulengumuka cha A-Eframe akwa kuzengewa, ni ku chitemo chumu cha upeme wo wa uhenya, chize chili ha mutwe wa chikulo cha chinuno cha waze hazeya ku vinyu!

Izaya 5:8

Lamba kuli waze akuwezela zuwo ku zuwo, akuwezela munda ku munda ndo chihela nawa chakuhi, mba makutwamisa ukawe hakachi ka chifuchi.

Izaya 56:12

Kakwamba ngwo, Tuyenu tukafupe vinyu, tukalikuchise ni kunwa chisasu; ni hamene mulipwa ngwe musono nawa, kuwaha chahiana.

Izaya 58:6

Chize nakutongola yami ngwe tangwa lia kulitwamina kulia, ngwami, Kachi kujitula mihipu ya ungulungulu, kujitula yikapa ya kuli, kwecha akwa lamba atusuke, kumakuna kuli jeswe.

Jeremia 50:11

Chipwe nunawahilila, chipwe nunalikwiza, enu akwa kupupa chihinga chami, chipwe nuli ni usolo ngwe chihwo cha chimbembe cha ngombe ha kelo, chipwe nwakuteta ngwe kuji ja tuvwalu,

Jeremia 50:27

Shihenu kuji jenyi eswe a ngombe, akaye ku chishihilo. Lamba lio mumu tangwa lio liasula hiliaheta, lie tangwa lia kastigu yo.

Jeremia 51:34

Nabukanezore mwanangana wa Babilonia hangulia, hangufwenya, hangupwisa mulondo wamokomoko, hangumina ngwe ngongo munene, hazalisa jimo lienyi ni yuma yami yipema mba hangumbila.

Jeremia 6:6

Mumu Yehova-wa-Tujita kanambe ngwenyi, Pakulenu mitondo yenyi, lingenu mulumba wa kuseleka Yerusaleme. Che chihunda chino chatamba kuchilamba, mumu nichimwe chuma chilimo shina kupingjisa wika.

Jeremia 7:6

nyi kunuchi kupinjisa chilambala hanji mwana-shiwa, hanji tuliwa, kunuchi kumwanga muma muno manyinga keshi chitela, nyi kunuchi kukaula mazambi akwo kulilemeko no,

Ezekiel 18:12

kakupinjisa chiswale ni mukwa kuhona, kakwiya, keshi kuhilwisa tombo, kakuhetwila meso jenyi ku mahamba, kakulinga yuma ya waji,

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

Ezekiel 22:29

Atu a mu chifuchi hafwetesa atu ni mbenga ni kwiya yuma. Hapinjisa yiswale ni akwa kuhona; hafwetesa njize, ni yoze maakwasa wakuhi.

Ezekiel 22:7

Muli yena yisemi kakwalelesa; muli yena ngeji kakwafwetesa ni mbenga; ni ana-ashiwa ni tuliwa kakwavulumuna muli yena.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Ezekiel 39:18

Munukalia yifwo ya akwa ndundo, munukanwa manyinga ja alemu a hashi—ja kuji a mapanga, ni ana-mapanga, ni pembe, ni kuji a ngombe, eswe akwa maji a ku Mbashane.

Joele 3:3

Hanatela chela atu jami. Hanalande chikoi ni mwanalunga; hanalande vinyu ni mwana-pwo hanga akanwe.

Amose 3:1

Enu A-Izalele, ivwenu liji lino Yehova hanahanjika lia kulimika ni yenu, munyachi uze weswe nachijile ku chifuchi cha Engitu, ngwami,

Amose 3:3

Atu aali kakuliendela nyi kalitesele?

Amose 5:11

Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Amose 6:6

Kakunwa vinyu mu misenge yinene; kakulikwita maji apema alioze kevwile kupiha ha kuji-ni-tomo lia José.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Kwalula 21:33

O yatewuluka ni kukandukila ku jila ya ku Mbashane. Oge, mwanangana wa Mbashane, watuhukile nikulimika no, neye ni atu jenyi eswe, mukwasa no jita ku Endreya.

Shimbi 24:14

Kanda numwesa lamba mukwa milimo wa kufweta, chiswale, mukwa kuhona, apwe wa kuli akwenu, apwe wa kuli njize waze ali mu chifuchi chenu, mu yihunda yenu.

Shimbi 28:33

Mbuto ya ha mavu jenu ni kuhondangana chenu cheswe kumakayilia kuli akwa vungu enu kunwaanyingikine, makanumwesa lamba wika, nikunushata chipi matangwa eswe.