Amose 3:8 - MUKANDA USANDU WA ZAMBI 1975

⁸ Ndumba hahiohia, iya kechi kwivwa woma? Mwene Yehova hanahanjika, iya mahasa kuhola ni uprofeto?

Mukanda Wa Zambi 1970

⁸ Muze tambwe makenana, iya kechi kwivwa woma? Muze Mwene Zambi mahanjika, iya malituna kuhanjika maliji jenyi?

Amose 3:8 Iomraidhean Croise

Izaya 21:10

Mama yami, kuzungula chami, ni mbuto ya ha chizungwilo chami! Cheswacho hinevwa kuli Yehova-wa-Tujita, mwe Zambi ya Izalele, ngunanwambulwilacho.

Izaya 31:4

Mumu chocho Yehova hanambe kuli yami ngwenyi, Ngwe ndumba, hanji mwevu wa ndumba, makenana ha yifwo akwata, chipwe masanyika mbunga ya tufunga akalimike nenyi iye kechi kwivwa woma ha kukalumuka cho, kechi kusetuka ha zungo lio, chocho nawa Yehova-wa-Tujita makahulumuka nikwasa jita ha mulundu wa Zaione ni ha mundundena wako.

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 26:12

Henaho Jeremia yamba kuli alemu eswe ni atu eswe ngwenyi, Yehova wangutumine kuprofeteza kulimika ni zuwo lino ni chihunda chino maliji ano eswe hinwevwa.

Ezekiel 29:21

Ha tangwa lize mungukasokesa mbinga hakachi ka akwa munyachi wa Izalele mba mungukapakula mivumbo ye hakachi ko. Henaho makanyingika yami nguli Yehova.

Amose 1:2

Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.

Amose 2:12

Alioze nwanwishine Anazireu vinyu; nwambile aprofeta ngwenu, Kanda nuprofeteza.

Amose 3:4

Ndumba kakuhiohia mu yambu nyi keshi ni yifwo? Mwevu wa ndumba kakuteta mu chivwenge chenyi nyi kakwachile chimwe?

Yilinga 4:20

mumu yetu kutwahashile shina kuhanjika yuma yize twamwene, twevwile.

Yilinga 5:20

Yénu, nukamane mu tembele, nukahanjike kuli atu maliji eswe a mwono uno.

Yilinga 5:29

Alioze Petulu ni apostolo aakumbulwile, ngwo, Chatutamba kwononoka kuli Zambi, hi kuli atu ko.

1 Korintu 9:16

Mumu kachi mungwambujola sango lipema, kachi chishi nacho nichimwe cha kulisamba nacho; mumu hanase chiteli hali yami; mumu lamba kuli yami, kachi chishi kwambujola sango lipema.

Usolwelo 5:5

mba umwe wa kuli makulwana yamba kuli yami ngwenyi, Kanda ulila; tala, mwe Ndumba yoze wa ku vungu lia Yunda, chikota cha David, hanakumbu kupakula mukanda ni yijikilo yawo shimbiali.