Amose 3:2 - MUKANDA USANDU WA ZAMBI 1975

² Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Mukanda Wa Zambi 1970

² Ngwenyi: “Hakachi ka mavungu eswe a hashi, shina yenu wika natongwele ni kunufunga. Ha chino milonga yenu yili yikalu, kashika mungukanumwesa lamba.”

Amose 3:2 Iomraidhean Croise

Ubutukilo 10:32

Wano e ana ja Noe a malunga nikulita ni yisemuko yo mu mavungu jo. Wano yalipulapula mavungu hashi kulutwe lia sanga lia meya.

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Miaso (Masamu) 147:19

Kakulweza liji lienyi kuli Yakomba, ni yiyulo yenyi ni upatwilo wenyi kakuyilweza kuli Izalele.

Kutuhuka 32:34

Haliapwila hiyako, ukasongwele atu kuma kuze navulukile kuli yena. Mungelo wami kumakanutetekela alioze ha tangwa lize mungukafwetesa, kumungukaafwetesa mulonga wo.

Izaya 63:19

Hiwalumuka ngwe waze yena kwaayulile nilimwe tangwa; ngwe waze kaalukile jina lie.

Jeremia 1:15

Mumu Yehova kanambe ngwenyi, Ngunasanyika minyachi yeswe ya mawanangana a ku Norte. Kumakeza mba mweswe hakachi ko masa ngunja yenyi ku unjililo wa yikolo ya Yerusaleme, kulimika ni yipanga-ya-mawe yayo yeswe ya kujingilika ni yihunda yeswe ya Yunda.

Jeremia 10:25

Zukula ufwatulo we ha mavungu aze kakunyingikine, hali minyachi aze katambikile ha jina lie. Mumu anongesene Yakomba, amunongesene ni kumukuwisa, ni kupwisa kuma kwenyi kwa kutwama kwa hululu.

Jeremia 11:22

kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Jeremia 13:21

Yika muwamba muze masa helu iia yena waze yena mwene waalongesele kupwa masepa je? Te kuchi kwivwa yikola, ngwe ya pwo mukwa kufumbajala?

Jeremia 14:10

Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Jeremia 9:25

Yehova kanambe ngwenyi, Matangwa kaneza muze munguhana kastigu kuli waze hanaupwisa ngalami hindu kapwa yilima—

Ezekiel 5:9

Ha mukunda wa yitanga yenu ya lwaji mungulinga ni yenu chize kanda nguchilinga, ni chichi kalinga chuma chipwa haha nawa nilimwe tangwa.

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 5:3

Ngunanyingika Eframe, Izalele kahashile kunguswamina, mumu, yena Eframe, hiwalinga ukoi; ena Izalele hiwalichisa.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Amose 2:4

Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

Amose 3:3

Atu aali kakuliendela nyi kalitesele?

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Mika 2:3

Kashika Yehova kanambe ngwenyi, Ha kutwala ku munyachi uno ngunanunyongena chuma chikalu; kunuchi kahasa kutusulako makota jenu. Kunuchi kenda nawa nikulizelula mumu muchikapwa mwaka upi.

Nahume 3:4

Chino cheswe chinakatuka ku ukoi wa mwe chikoi yoze mupema; kali ni uleza wa kushihisa. Kakuhandukulula mavungu ni ukoi wenyi; kakuhandukulula atu ni uleza wenyi.

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

A-ROMA 2:9

luyinda ni kupinda kumuchikapwa hali atu eswe waze akulinga yipi, hatangu hali A-Yunda ni hali A-Ngresia nawa;

1 Korintu 8:3

alioze kachi umwe mazanga Zambi, iye kanamunyingika kuli Zambi.

Shimbi 10:15

Alioze Yehova wawahililile muli tulamba twenu, nikwazanga. Yatongola ana jo kulutwe lio, te yenwene hakachi ka mavungu eswe ngwe chinapu musono.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 32:9

Mumu chihanda cha Yehova chapwa atu jenyi. Yakomba yapwa chihinga chenyi cha kutongola.

Shimbi 4:32

Kashika hulenu haliapwila ha matangwa a kunyima, shimbu te kanda nusemuka, katuke ha tangwa Zambi watengele mutu hashi, katuke ku songo limwe lia malilu ndo ku likwo, kutala nyi kwapwile chuma chipwa haha ngwe chuma chino chinene hanji kwivwa chuma Chichize.

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

1 Petulu 4:17

Mumu mwaka hiuneza hanga upatwilo uputuke ku zuwo lia Zambi: nyi kachi muuputuka hatangu kuli yetu, songo lika mulikapwa lia waze keshi kwononoka ku sango lipema lia Zambi?