Amose 3:13 - MUKANDA USANDU WA ZAMBI 1975

¹³ Mwene Yehova, Zambi-ya-Tujita kanambe ngwenyi, Ivwenu nukashindakenye munyachi wa Yakomba ngwe,

Mukanda Wa Zambi 1970

¹³ Mwene Zambi Mukwa Ndundo Jeswe kanambe ngwenyi: “Banjikenu, kanyamisenu vungu lia Yakoba.

Amose 3:13 Iomraidhean Croise

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

1 MIANANGANA 17:15

Yalituna yiyulo yenyi, ni usendo wenyi uze akolesele ni tulamba two, ni Shindakenyo yenyi yize waashindakenyene. Akawile yuma yamokomoko mba alumukine atu amokomoko. Embulwile mavungu aze aajingilikile waze te Yehova waambile ngwenyi, Kanda nukaembulula.

2 Sango Ja Mianangana 24:19

Yehova yatuma aprofeta kuli ayo akaakoke kuli iye nikwashindakenya, alioze kapanjikile.

Izaya 1:24

Kashika Mwene kanambe, mwe Yehova-wa-Tujita, mwe Mukwa-Ndundo wa Izalele ngwenyi, Munguzukwila ufwatulo hali akwa kole jami; mungufwetesa akwa kulimika ni yami.

Ezekiel 2:7

Muhanjika maliji jami kuli ayo, chipwe mevwa, chipwe kasolo kwivwa, mumu kapwa munyachi wa yihulia.

Amose 3:14

Ha tangwa lize mungulamba Izalele mumu ha mutonga wenyi, mungulamba yilumbilo ya Mbetele. Makateta mbinga ja chilumbilo jikaholoke hashi.

Amose 5:27

kashika mungukanutwala ku unjize sali lize lia Ndamaseku. Chocho kanambe Yehova yoze kali ni jina lia Zambi-ya-Tujita.

Yilinga 2:40

Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Shimbi 8:19

Kachi munuvulama Yehova Zambi yenu, nikukaula tuzambi tweka, ni kutuvumbika, ni kutuwayila, chamwenemwene ngunanushindakenya musono ngwami, Kumunukakuwa.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

Yoshua 22:22

Mukwa Ndundo, Zambi, Yehova! Mukwa Ndundo, Zambi, Yehova! Iye kananyingika, kashika A-Izalele no akanyingike ngwetu, Nyi kachi chapwa kukolema, hanji mafwefwe, kuli Yehova kanda nutuvwila keke musono