Amose 3:12 - MUKANDA USANDU WA ZAMBI 1975

¹² Yehova kanambe ngwenyi, Ngwe kafunga matambula ku kanwa lia ndumba molu aali hanji chipinji cha twitwi, chocho makupulula A-Izalele waze anatwama mu Samaria, ha mbango ya muu, hanji ha muhela wa kulilengela.

Mukanda Wa Zambi 1970

¹² Mwene Zambi kanambe ngwenyi: “Ngwe chize kafunga kanatambula lume molu aali ni Chipinji cha litwi cha panga yoze akwata kuli tambwe, Chenacho nawa mungukapulula lume amwe Aisraele waze atwama ni uwahililo mu Samaria.”

Amose 3:12 Iomraidhean Croise

1 Yitanga Ya Mianangana 20:30

Akwo yachinyina mwe mu chihunda cha Afeke mba chipanga-cha-mawe chanungukinyine hali makumi aali a tununu ni tununu shimbiali waze asalile. Kashika Mbene-Hadade yachina, yeza mu chihunda, mu chipatulo chimwe cha muchima.

1 Yitanga Ya Mianangana 20:34

Mbene-Hadade yamba kuli iye ngwenyi, Yihunda yize tata watambwile kuli tatenu munguhilwisa, ni yenu munuhasa kulinga matapalo jenu mu Ndamaseku ngwe tata walingile mu Samaria. Mba Ahabe yamba ngwenyi, Ni yami mungukwecha ni usendo uno. Chocho yakolesa nenyi usendo yamwecha.

1 Yitanga Ya Mianangana 22:25

Mikaia yamba ngwenyi, Mukachimona ha tangwa lize muoya kuswama mu chipatulo cha muchima.

1 MIANANGANA 16:9

Mwanangana wa Asuria yamwivwa; yakanduka kulimika ni Ndamaseku; yachitambula; yambata atu jamo ku Kiri funge; yashiha Rezine.

Estere 1:6

Kwapwile mahina atoma, ni alá, ni alauluka a kukasa ni mihipu ya linyu lipema ni ufungo ku ngo ja prata ha manguji a mawe a marmore. Yitwamo yapwile ya oru ni prata ha mawe a marmore nawa achila, ni atoma, ni a chizumwa, ni alá.

Estere 7:8

Mwanangana yakatuka ku jardine ya zuwo lia mwanangana yanjila nawa ku chiteleka cha vinyu. Kumanyi Hamane halimbilila ku muu haze Estere kanatwama. Kashika mwanangana yamba ngwenyi, Te kanafupu kulumbula mwazovu kwe kumeso jami mu zuwo nyi? Shimbu liji mulituhuka mu kanwa lia mwanangana afukile meso ja Hamane.

Miaso (Masamu) 132:3

Chamwenemwene chichi kanjila mu mbalaka ya zuwo liami, chipwe kupomba ha muhela wami,

Izaya 17:7

Ha tangwa lize atu mazewula Tangi yo, meso jo matala kuli mwe Musandu wa Izalele.

Izaya 31:4

Mumu chocho Yehova hanambe kuli yami ngwenyi, Ngwe ndumba, hanji mwevu wa ndumba, makenana ha yifwo akwata, chipwe masanyika mbunga ya tufunga akalimike nenyi iye kechi kwivwa woma ha kukalumuka cho, kechi kusetuka ha zungo lio, chocho nawa Yehova-wa-Tujita makahulumuka nikwasa jita ha mulundu wa Zaione ni ha mundundena wako.

Izaya 8:4

mumu shimbu mwana kanda achinyingika kwamba ngwenyi, Tata, hanji Mama, upite wa Ndamaseku ni yikumba ya Samaria mayimbata kumeso ja mwanangana wa Asuria.

Amose 6:4

Lamba kuli waze akupomba ha mihela ya mazo a njamba nikuholola ha miu yo. Waze akulia ana-mapanga a ku mbunga ni yimbembe ya ngombe a hakachi ka tanga. Waze akwimba miaso ya uleya ku liji ha

Amose 9:8

Meso ja Mwene Yehova ha chifuchi cha shili anaahulikila, mba mungukachonwona he ha mavu: Munyachi wa Yakomba wika chichi kaunongesa liakulu. Chocho kanambe Yehova.