Amose 3:11 - MUKANDA USANDU WA ZAMBI 1975

¹¹ Kashika Mwene Yehova kanambe ngwenyi, Mukwa kulimika makaseleka chifuchi nikunupuzwila yipanga yenu ni kupupa mbonge jenu.

Mukanda Wa Zambi 1970

¹¹ Kashika umwe mukwa kole makajingilika chifuchi cho, makabuzula yipanga yo, makanda yuma ya mu mazuwo jo anene anene.”

Amose 3:11 Iomraidhean Croise

Ubutukilo 34:27

Mba ana ja Yakomba ejile kuli waze haashiha, yapupa limbo mumu te halumbula ndumbwo.

1 MIANANGANA 15:19

Pule mwanangana wa Asuria yeza kulimika ni chifuchi, mba Menaheme yahana kuli Pule kanunu ka *talentu ja prata hanga akamukolese mu wanangana.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

2 Sango Ja Mianangana 36:19

Yocha zuwo lia Zambi; yapuzula chipanga-cha-mawe cha Yerusaleme nikwocha palasiu jamo jeswe ni kahia ni kwenyeka yikashi yamo yeswe yipema.

Jobe 20:21

Ha kulia kahichikile nichimwe; kashika kufumbuka chenyi kuchichi kulinduluka.

Amose 2:5

Chocho mungutuma kahia hali Yunda mukalalisa mbonge ja Yerusaleme.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Amose 3:15

Mungulamba zuwo lia lushiho hamwe ni zuwo lia lwiza, ni mazuwo ja mazo a njamba makanonga ni mazuwo anene kumakahwa. Chocho kanambe Yehova.

Amose 6:14

Yehova Zambi-ya-Tujita kanambe ngwenyi, Mungusolola limwe vungu kulimika ni yenu munyachi wa Izalele. O kumakanupinjisa chize ku unjililo wa Hamate ndo ku chitwetwe cha ku Arapa.

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.