Amose 3:10 - MUKANDA USANDU WA ZAMBI 1975

¹⁰ Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Mukanda Wa Zambi 1970

¹⁰ Mwene Zambi kanambe ngwenyi: “Atu wano kaakuzalisa mazuwo jo anene anene ni yuma yize anjile ni wiji ni kulwa. Keeshi kunyingika kulinga kanawa.

Amose 3:10 Iomraidhean Croise

Jobe 20:21

Ha kulia kahichikile nichimwe; kashika kufumbuka chenyi kuchichi kulinduluka.

Miaso (Masamu) 14:4

Te kanyingikine, wano eswe akulinga uhenge, nyi? Kakulia atu jami ngwe mbolo. Keshi kusanyika ha jina lia Yehova.

Yishima 1:13

Mutukawana yikumba yeswe ya ndando yinene, mutukazalisa mazuwo jetu ni upite wa kupupa.

Yishima 11:16

Pwo wa vumbi kakupwa ni ulemu, ni akwa upupilo mapwa ni upite.

Yishima 28:5

Upatwilo kuwalumbunukine kuli atu api; alioze yuma yeswe yinalumbunuka kuli waze akufupa Yehova.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 5:4

Yingwamba ngwami, Wano yiswale wika, keshi mana, mumu kanyingikine jila ya Yehova, shimbi ya Zambi yo.

Ezekiel 18:7

keshi kupinjisa niumwe alioze kakuhilwisa tombo kuli mukwa kutambula mukuli; keshi kwiya alioze kakuhana mbolo yenyi kuli akwa zala; kakujika akwa uselesele,

Ezekiel 22:29

Atu a mu chifuchi hafwetesa atu ni mbenga ni kwiya yuma. Hapinjisa yiswale ni akwa kuhona; hafwetesa njize, ni yoze maakwasa wakuhi.

Ezekiel 8:17

Yamba kuli yami ngwenyi, Mwana mutu, hiwamona chino? Kumanyi chakeha naye kuli akwa munyachi wa Yunda kulinga yuma ya lwaji yize analingi kuno, akawezele nawa kuzalisa chifuchi ni upupilo, ni kungwihia nawa chikwo? Mba kanase mutondo ku mazulu jo!

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 5:7

Enu! Nwakwalumuna upatwilo wa kulita mu musase ni ululi nwakuumbila mu mavu.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Amose 6:3

Yenu ngunahula, nwakumona kusuku lie tangwa lipi nwakukoka hakamwihi chitwamo cha upupilo.

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Mika 6:10

Munguhasa kuvulama upite wa ungulungulu mu zuwo lia chingulungulu, hanji njongo ya kukehesa yize yinashingiwa?

Zefania 1:9

Ha tangwa lize mungulamba kastigu mweswe mukwa kutumbuka chikuli ni waze akuzalisa mazuwo ja akako ni upupilo ni wiji.

2 Petulu 3:5

Mumu chino ku upale wo ene kakuvulama ngwe kwapwile malilu chize ku shakulu, ni hashi haze lia meya ni mu meya, ku liji lia Zambi;