Amose 2:9 - MUKANDA USANDU WA ZAMBI 1975

⁹ Alioze nanongesene A-Amore aze aaliangile; Chizundamo cho chapwile ngwe cha misedru, ni tachi jo ngwe tachi ja mitondo ya carvalho. Nanongesene mihuko yenyi kwilu ni miji yenyi kushi.

Mukanda Wa Zambi 1970

⁹ “Malunga ja mu chifuchi cha Amore kusuhwa cho ngwe mutondo sedru, tachi jo ngwe mutondo shene. Naashihile eswe mumu hali yenu Aisraele.

Amose 2:9 Iomraidhean Croise

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

1 Sango Ja Mianangana 1:14

ni A-Yepushe, ni A-Amore, ni A-Ngikashe,

Jobe 18:16

Miji yenyi yinomu kushi; mitango yenyi yinomu kwilu.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Kutuhuka 34:11

Ononoka ku chize ngunakwambe musono. Munguhuma mu chifuchi kumeso je A-Amore, ni A-Kanana, ni A-Hete, ni A-Perize, ni A-Hevwe, ni A-Yepushe.

Izaya 10:33

Talenu, Mwene Yehova-wa-Tujita masemba mitango ni tachi ja kukolesa mwongo. Yindululu kumakaateta; akwa kunangama kumakaanunguna.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Ezekiel 17:9

Amba ngwe, Mwene Yehova kanambe ngwenyi, Te muutatuka? Kechi kuutukula nikutetaho mihuko yawo yeswe ukome, hanga mafwo jawo eswe a wisu a kusokoloka akome? Kuchatambile kwoko lia tachi jinji, hanji atu anji kuutukula ni miji yawo.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Kwalula 32:13

Utenu wa Yehova yiukasumukina A-Izalele, yaendanganyisa mu puya makumi awana a miaka, ndo chisemuko chize chalingile chipi kumeso ja Yehova chakuwile.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 3:11

Mumu Oge Mwanangana wa Mbashane wika ukawenyi wasalile wa ku masalilo ja A-Refane. Kutala! Muhela wenyi wapwile wa utale; uli mu Raba lia kuli A-Amone. Usuhe wawo te mbandu livwa, utohe wawo ngwe mbandu jiwana, nikulita ni cheseko cha mutu.

Yoshua 10:12

Mba Yoshua yamba kuli Yehova tangwa lize Yehova yakunjika A-Amore kuli A-Izalele, yamba kumeso ja A-Izalele ngwenyi, Ena, tangwa, mana lume ha Ngibeone. Ni yena, kakweji, mana ha chikulo cha Ajalone.

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.