Amose 2:7 - MUKANDA USANDU WA ZAMBI 1975

⁷ Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Mukanda Wa Zambi 1970

⁷ Kaakuliata atu alelu ni yiswale, ni kwahuma. Tata ni mwanenyi wa lunga kaakubomba ni mwana pwo umuwika, kabinji. Chenacho akulelesa jina liami lia chijila.

Amose 2:7 Iomraidhean Croise

2 Samuel 12:14

Hindu mwe mwana hiwasema kumafwa lume, mumu ha chino chitanga hiwahana kuli akwa kole ja Yehova unjililo wa kusaula.

1 Yitanga Ya Mianangana 21:4

Ahabe yanjila mu zuwo lienyi ni wuli ni matoto mumu ha liji lize Ka-Yezerele Nabote hamwaha, mumu hamba ngwenyi, Chichi kukwaha chihinga cha tulamba twami. Yapomba ha muhela wenyi; yatewuluka meso jenyi; kalile kulia.

Yishima 28:21

Kupwa ni katonde kuchapemene; chipwe kuvulumuna ha pinji ya kulia.

Izaya 10:1

Lamba kuli waze akukolesa shimbi ja uhenge, ni akwa kusoneka waze akusonyeka upinjiso,

Izaya 10:2

akachinde akwa kuhona kanda awana upatwilo, akeye chize chatela kuli yiswale ja atu jami. Ni twamishi kapwa upite wo wa kupunda, akatenge ana-ashiwa ngwe kulia cho.

Izaya 3:14

Yehova kanaputuka kusopa ni makulwana ni alemu ja atu jenyi ngwenyi, Yenu hinwalia we munda wa uva, upite wa kupupa kuli yiswale uli mu mazuwo jenu.

Izaya 3:15

Kuchi chinalumbunuka chize nunafwenye atu jami, ni kucheka meso ja yiswale? Chocho kanambe Mwene Yehova-wa-Tujita.

Ezekiel 22:11

Umwe kukulumbula pwo lia mwenyembo wenyi, mukwo ni usolo mapihisa tembwa-mwanenyi, mukwo malumbula ndumbwenyi yoze wa kusemuka kuli tato.

Ezekiel 36:20

Alioze ha kuheta ku mavungu, kweswako ayile ajilwile jina liami lisandu, se atu ambile ha kutwala kuli ayo ngwo, Wano e atu a Yehova, haakatwisa ku chifuchi chenyi.

Hosea 4:14

Chichi kuhana kastigu kuli anenu a mapwo muze malinga ukoi, chipwe ndungi jenu muze malinga utanji; mumu malunga ene kakuhambuluka ni yikoi nikushiha yitapo ni yikoi a ku matembele. Atu keshi mana kumakaonwona.

Alevi 18:15

Kanda ufukula tembwa-mwané se iye pwo lia mwané. Kanda umufukula.

Alevi 18:21

Kanda uhana niumwe wa ana je akaatambule mu kahia kuli Moleke, ukajilule chocho jina lia Zambi ye. Yami Yehova.

Alevi 18:8

Kanda ufukula pwo lia tatenu mumu wapwa uselesele, wa tatenu.

Alevi 20:3

Yami mwene mungusa meso jami a kulimika ni mwe lunga, mungumuteta hakachi ka atu jenyi mumu hahana umwe mwanenyi kuli Moleke nikuchisa kuma kwami kusandu nikujilula jina liami lisandu.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 5:11

Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Amose 5:12

Mumu ngunanyingika kwalula cha milonga yenu ni kutoha cha shili yenu— enu nwakupinjisa akwa ululi, ni kutambula chindo, ni kupiangula mukwa kuhona mu chota.

Amose 8:4

Ivwenu chino, yenu nwakuliata akwa kuhona; nwakusulisa yiswale mu chifuchi ngwenu,

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Mika 2:9

Mapwo ja atu jami nwakwahuma ku mazuwo jo apema. Nwakuchiza uhenya wami kuli ana jo akepe ndo ku miaka yeswe.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

A-ROMA 2:24

Mumu jina lia Zambi kakulishililika hakachi ka akwa mavungu, mumu hali yenu, ngwe chinasonewa.

1 Korintu 5:1

Chinafumana hakachi ka eswe ngwo, Upangala uliko hakachi kenu, upangala umwe kuushiko chipwe hakachi ka akwa mavungu, mutu akapwa ni pwo lia tato.