Amose 2:4 - MUKANDA USANDU WA ZAMBI 1975

⁴ Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

Mukanda Wa Zambi 1970

⁴ Mwene Zambi kanambe ngwenyi: “Atu a mu chifuchi cha Yuda haanavulumuna nawa ni nawa, chamwenemwene mungukaamwesa lamba. Mumu haanalelesa longeso liami, kaafungile ko Shimbi jami. Mazambi a mahuza, waze tushakulu two alingile, haanaapiangula.

Amose 2:4 Iomraidhean Croise

1 MIANANGANA 17:19

Ni A-Yunda nawa kafungile shimbi ja Yehova Zambi yo alioze endele mu yiyulo ya Izalele yize alingile.

2 Sango Ja Mianangana 25:14

Muze Amazia heza ha kushiha A-Endome yaneha mazambi ja A-Sere ni kwamika akapwe mazambi jenyi, ni kuhetamina kumeso jo, ni kwaochela insensu.

2 Sango Ja Mianangana 30:7

Kanda nulifwa ni tulamba twenu ni usoko wenu waze avulumwine Yehova, Zambi ya tulamba two, ndo waakunjikile ku kwonwona, ngwe nunamono.

Nehemia 1:7

Hitwalinga ni uhulia kuli yena, kutwafungile shimbi, chipwe yiyulo, chipwe upatwilo, yize watumine kavumbi ke Mose.

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Izaya 28:15

Mumu hinwamba ngwenu, Etu hitwakolesa usendo ni ufwe, hitwalitesa ni Shiole; kashika muze chilungo cha kuzemuna muchipalika kuchichi kutuheta; mumu hitwatenga mahuza chiswamo chetu, kwonga chapwa uchinyino wetu.

Izaya 44:20

Kakulia uto, mutwe wenyi wa kwongoloka hiwamupiangula; kahashile kulipulula, hanji kwamba ngwenyi, Chongo nguli nacho mu kwoko liami lia chindume.

Jeremia 16:11

Mba muwamba kuli ayo ngwe, Yehova kanambe ngwenyi, Mumu tulamba twenu hanangwehuka, hanakaula mazambi eka nikwalingila nikwawayila, hanangwehuka; kafungile shimbi yami.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 6:19

Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Jeremia 8:9

Akwa mana makaakolesa sonyi, makatatajala, makakwachika; mumu hanalitunu liji lia Yehova, mba mana aka ali no nawa?

Jeremia 9:14

hanakaula mbunge jo ene ni pami, nikukaula Ambale nikulita ni longeso lia tulamba two,

Ezekiel 13:22

Mumu hinwahongesa mbunge ya mukwa ululi ni mahuza, chipwe yami chichi kumuhongesa; alioze hinwahana tachi kuli chingulungulu kuchina makatuka ku jila yenyi ya ungulungulu akalamwine mwono wenyi.

Ezekiel 20:13

Alioze akwa munyachi wa Izalele yangukatukila mu puya; kendele mu yiyulo yami, yalituna shimbi jami jize mutu matwama ni mwono ha kujifunga. Masambata jami aajilwile chikolo. Yingunyonga kwazukwila ufwatulo wam mu puya ngukaamanunune lume.

Ezekiel 20:16

mumu alitunyine shimbi jami, kendele mu yiyulo yami, ajilwile masambata jami, mumu mbunge jo jakawile mahamba.

Ezekiel 20:18

Yingwamba kuli ana jo mu puya ngwami, Kanda nwenda mu yiyulo ya tulamba twenu, chipwe kufunga shimbi jo, chipwe kulichisa ni mahamba jo.

Ezekiel 20:24

mumu kamanunwine shimbi jami alioze alitunyine yiyulo yami nikujilula masambata jami, ni kuhulikila meso jo ku mahamba ja tulamba.

Ezekiel 20:30

Kashika amba kuli akwa munyachi wa Izalele ngwe, Mwene Yehova kanambe ngwenyi, Munulichisa nikulita ni ndako ja tulamba twenu ni kupiasuka kukaula yuma yo ya lwaji?

Ezekiel 22:28

Ni aprofeta jako hapemesaho ni pemba, ni kumona usolwelo wa kwonga, ni kutahila yuma ya mahuza ngwo, Mwene Yehova unachambe; alioze Yehova kahanjikile.

Ezekiel 22:8

Hiwalelesa yuma yami yisandu, hiwajilula masambata jami.

Hosea 12:2

Yehova kanasumu Yunda, kumakalamba Yakomba kastigu ya kulita ni ndako jenyi. Kumakamufwetesa nikulita ni yitanga yenyi.

Hosea 12:3

Mwe mu jimo yakwata yayo ku kashijino, muze hapwa lunga yalitachika ni Zambi.

Hosea 6:11

Ni yena Yunda kucha che hanakufunjikilacho.

Amose 1:3

Yehova kanambe ngwenyi, Mumu ha milonga yitatu ya Ndamaseku, hanji yiwana, chichi kahilwisa kastigu, mumu hanazungula Ngiliate ni chikungo cha utale.

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Mika 6:12

Pichi jenu kanazala ni upupilo; waze atungamo kakuhanjika mahuza malimi ja mu makanwa jo a kwonga.

Habakuke 2:18

Hamba kuchi mahasa kukwasa muze tangi yenyi hamweseka, se aye kaponya wa kuzuzulula; longeshi wa mahuza? Mumu chilangaji kanafuliela chuma cha kutanga iye mwene, muze malinga tumama twa mahamba.

A-ROMA 1:25

Waze asumbakenyene umwenemwene wa Zambi ni mahuza, nikuwayila, nikulingila chuma cha kutanga, hi mwe Tangi ko, mwenawo kafumana ndo ku miaka ya mutolo. Amene.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

1 Petulu 1:18

se nunanyingika hananukula, hi ni yuma ya kupola ko, ngwe prata hanji oru, ku kwenda chenu chamokomoko, chize anukunjikilecho tulamba twenu;

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.