Amose 2:12 - MUKANDA USANDU WA ZAMBI 1975

¹² Alioze nwanwishine Anazireu vinyu; nwambile aprofeta ngwenu, Kanda nuprofeteza.

Mukanda Wa Zambi 1970

¹² Alioze yinunwisa Anazireu vinyu; yinwambila akwa munanyi ngwenu, kanda ahanjika maliji a Zambi.

Amose 2:12 Iomraidhean Croise

Izaya 30:10

Kuli akwa kumona kakwamba ngwo, Kanda numona! Ni kuli aprofeta kakwamba ngwo, Kanda nuprofeteza kuli yetu chize Chinapeme. Hanjikenu kuli yetu yuma ya kupepieka, profetezenu yuma ya kulitambila.

Jeremia 11:21

Kashika Yehova kanambe ha kutwala kuli malunga a Anatote, waze anafupu kukushiha, nikwamba ngwo, Kanda uprofeteza ni jina lia Yehova, kumuofwa ku kwoko lietu—

Jeremia 35:5

Yingusa kumeso ja A-Rekabe milondo ya vinyu ni misenge. Yingwamba kuli ayo ngwami, Nwenu vinyu.

Amose 7:13

Alioze kanda ukaprofetezela ku Mbetele nawa mumu kwapwa kuma kusandu kwa mwanangana kanda tembele ya wanangana wenyi.

Amose 7:16

Kashika ivwa liji lia Yehova. Ena unambe ngwe, Kanda uprofeteza kulimika ni Izalele, kanda ushindakenya kulimika ni munyachi wa Izake.

Mika 2:6

Kakwamba ngwo, Kanda nwambulula! Kuchatambile kwambulula yino yuma; mumu kusauka kuchichi katuwana.

Kwalula 6:2

Amba kuli A-Izalele ngwe, Muze lunga, hanji pwo, malakenya chilakenyo chilemu, che chilakenyo cha Kanazireu, ha kulihandunwina kuli Yehova,

Kwalula 6:3

akalihandunune ku vinyu ni ku kunwa chisasu. Kanda akanwa vinagre ya ku vinyu, chipwe vinagre ya ku kunwa chisasu, chipwe meya a uva kanda akaanwa; chipwe uva ya wisu, chipwe yumu kanda akayilia.