Amose 2:11 - MUKANDA USANDU WA ZAMBI 1975

¹¹ Nazundwile amwe hakachi ka ana jenu akapwe aprofeta, ni amwe hakachi ka akweze jenu akapwe Anazireu. Yehova kanambe ngwenyi, Hi chocho ko, enu A-Izalele?

Mukanda Wa Zambi 1970

¹¹ Natongwele ana jenu amwe a malunga hanga akabwe akwa munanyi, ni amwe hanga akabwe Anazireu. Aisraele, hi chocho ko, nyi? Yami Mwene Zambi nachamba.

Amose 2:11 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 18:4

Muze Jezebele washihile aprofeta ja Yehova Obadia watambwile kulakaji lia aprofeta, waaswekele makumi atano mu chivwenge chimwe, makumi atano mu chivwenge chikwo, waahele kulia ni meya.)

1 Yitanga Ya Mianangana 19:16

Ni Jehu mwana Nimishi mukamuwayisa akapwe mwanangana wa Izalele. Ni Elisha mwana Sefate wa ku Abelemehola mukamuwayisa akapwe profeta wa kukusalakana.

1 Yitanga Ya Mianangana 20:13

Umwe profeta yakundama kuli Ahabe mwanangana wa Izalele ngwenyi, Yehova kanambe ngwenyi, Wamona chihuji chino chinene nyi? Mba musono munguchikunjika mu kwoko lie ukanyingike—Yami, Yehova.

1 Yitanga Ya Mianangana 20:35

Umwe lunga wa ana ja aprofeta yamba kuli mukwo nikulita ni liji lia Yehova ngwenyi, Ngulambe, ngunalembe. Aye kasolo kumulamba.

1 Yitanga Ya Mianangana 20:41

Mba lunga yalipupwisa, yachiza hina ha meso jenyi. Kumanyi mwanangana wa Izalele yamunyingika ngwe umwe wa aprofeta.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

1 MIANANGANA 6:1

Ana ja aprofeta yamba kuli Elisha ngwo, Chihela chino twatwama kumeso jenu chatukehela naye.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Jeremia 11:21

Kashika Yehova kanambe ha kutwala kuli malunga a Anatote, waze anafupu kukushiha, nikwamba ngwo, Kanda uprofeteza ni jina lia Yehova, kumuofwa ku kwoko lietu—

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 2:5

Yehova kanambe ngwenyi, Chipi chika akakenu awanyine muli yami mba hangukatuka nikuya kusuku, nikukaula yuma yamokomoko nikwalumuka amokomoko?

Jeremia 26:11

Mba asasendote ni aprofeta yamba kuli alemu ni atu eswe ngwo, Yono mutu katela kufwa mumu haprofeteza kulimika ni chihunda chino, ni yenu hinwachivwa ni matwi jenu.

Jeremia 7:25

Chize ku tangwa lize tulamba twenu akatukile ku chifuchi cha Engitu ndo musono, chahonene kutuma tuvumbi twami aprofeta kuli ayo tangwa ha tangwa;

Lungungu 4:7

Alemu jenyi apemene kuhiana neve atomene kuhiana yamwa. Mijimba ya tusongo twenyi yachilile kuhiana rubi kuwaha cho ngwe safwira.

Mika 2:6

Kakwamba ngwo, Kanda nwambulula! Kuchatambile kwambulula yino yuma; mumu kusauka kuchichi katuwana.

Yilinga 4:18

Mba aatambikile, aahele koki ngwo, Kanda nuhanjika nichimwe, chipwe kanda nulongesa mu jina lia Yesu.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Shimbi 18:18

Mungukaasolwela profeta hakachi ka usoko wo, malifwa ni yena; mungusa maliji jami mu kanwa lienyi, iye kumakambulula kuli ayo yeswe mungumwambayo.

1 Samuel 19:20

Saulu yatuma tunganda kukwata David. O muze hamona mbunga ya aprofeta kanaprofeteza ni Samuel kanamana mukwa lutwe hakachi ko, Spiritu ya Zambi yahulumukina hali tunganda twa Saulu no nawa aprofetezele.

1 Samuel 3:20

A-Izalele eswe chize ku Ndane ndo ku Mbia-shipa yanyingika ngwo, Hanakolesa Samuel akapwe profeta wa Yehova.