Amose 1:9 - MUKANDA USANDU WA ZAMBI 1975

⁹ Yehova kanambe ngwenyi, Mumu ha milonga yitatu ya Teru hanji yiwana, chichi kahilwisa kastigu, mumu akunjikile vungu lia muwundu ku Endome kewulukile usendo wa usoko.

Mukanda Wa Zambi 1970

⁹ Mwene Zambi kanambe ngwenyi: “Atu a mu limbo lia Tiru haanavulumuna nawa ni nawa, chamwenemwene mungukaamwesa lamba. Mumu atwalile akwa chifuchi eswe mu undungo mu chifuchi cha Edome. Kaafungile ko Usendo uze akolesele.

Amose 1:9 Iomraidhean Croise

2 Samuel 5:11

Hirame mwanangana wa Teru yatuma tunganda kuli David, ni mitondo ya sedru, ni akarpinteru, ni apedreru. O yatungila David zuwo.

Miaso (Masamu) 83:7

Ni Gepale, ni Amone, ni Amaleke, ni A-Filistea, ni waze atwama mu Teru.

Jeremia 25:22

Ni mianangana eswe a Teru ni mianangana eswe a Sendone, ni mianangana a ku mbaka mu sali lia kalunga-lwiji

Jeremia 47:4

mumu ha tangwa lize lineza lia kwonwona A-Filistea eswe, kuteta ku Teru ni Sendone yikwashi waze eswe asala. Mumu Yehova kanonwona A-Filistea, ni e masalila a ku mbaka ya Kafetore.

Ezekiel 27:1

Liji lia Yehova yiliza kuli yami ngwenyi,

Ezekiel 27:27

Ha tangwa lia kunonga che tujita twe eswe waze ali muli yena, hamwe ni mbunga yize yeswe yili hakachi ke, kanashimbama mushi lia kalunga-lwiji, ni upite we, ni yuma ye ya kutalika, ni ndando je, ni akwa kwendesa wato, ni akwa kusongwela wato, ni akwa ku jika jika miaji, ni akwa kusepa.

Ezekiel 28:1

Liji lia Yehova yiliza kuli yami ngwenyi,

Ezekiel 28:18

Ha kwoka cha uhenge we, ni kupiha cha kwendangana che wajilwile matembele je. Kashika nachijile kahia muchima lie, mba kakulalishile. Nakupwishile uto hashi kumeso ja waze eswe akumwene.

Amose 1:11

Yehova kanambe ngwenyi, Mumu ha milonga yitatu ya Endome hanji yiwana, chichi kahilwisa kastigu, mumu yakaula mwanakwo ni katana nikumbila keke yeswe. Utenu wenyi wapapulwile matangwa eswe; wafungile ufwatulo wenyi wa mutolo.

Amose 1:6

Yehova kanambe ngwenyi, Mumu ha milonga yitatu ya Ngeza hanji yiwana, chichi kahilwisa kastigu, mumu ambachile ku unjize vungu lia muwundu akaakunjike ku Endome.

Obadia 1:11

Ha tangwa lize yena wamanyine ku lumbu. Ha tangwa lize yilambala apunjile yikumba yenyi, ni tundaka anjilile ku yajilo yenyi nikulela chela Yerusaleme, chipwe yena wapwile hamuwika no.

Zakaria 9:1

Chikuma cha liji lia Yehova chalimika ni chifuchi cha Hadrake; kumuchikatula ha Ndamaseku. Mumu meso ja atu ni ja minyachi yeswe ya A-Izalele kuli Yehova ali.

Mateu 11:21

Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Mateu 11:22

Alioze ngunambe kuli yenu ngwami, Kumuchikapwa chashi hali Teru ni Sendone ha tangwa lia upatwilo, chikalu hali yenu.

Luka 10:13

Lamba lienu, A-Karazene! Lamba lienu, A-Mbeteseta! mumu kachi yipupu yize alingile muli yenu ayilingile mu Teru ni Sendone, kachi halikonyeka kulu ni chikeleyi ni uto.

Luka 10:14

Alioze kumuchikapwa chashi ha Teru ni Sendone ha upatwilo, chikalu hali yenu.