Amose 1:6 - MUKANDA USANDU WA ZAMBI 1975

⁶ Yehova kanambe ngwenyi, Mumu ha milonga yitatu ya Ngeza hanji yiwana, chichi kahilwisa kastigu, mumu ambachile ku unjize vungu lia muwundu akaakunjike ku Endome.

Mukanda Wa Zambi 1970

⁶ Mwene Zambi kanambe ngwenyi: “Atu a mu limbo lia Gaza haanavulumuna nawa ni nawa, chamwenemwene mungukaamwesa lamba. Mumu alanjishile atu anji kuli akwa chifuchi cha Edome.

Amose 1:6 Iomraidhean Croise

2 Sango Ja Mianangana 28:18

A-Filistea nawa yanjila mu yihunda ya ku mwanda ni ku Sule ya Yunda ni kutambula Mbete-Shemeshe, ni Ajalone, ni Gederote, ni Soko hamwe ni yihunda yako, ni Timna ni yihunda yako, ni Ngimiso nawa ni yihunda yako. Mwenamo yatwama.

Jeremia 47:1

Liji lia Yehova lize liejile kuli profeta Jeremia ha kutwala kuli A-Filistea shimbu te Falau kanda achilamba Ngeza, lino.

Ezekiel 35:5

Mumu wafungile kole ya mutolo; wahanyine A-Izalele ku tachi ja katana ha mwaka wa lamba lio, ha mwaka wa kastigu yo yasula,

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Joele 3:6

ni ana ja Yunda ni ana ja Yerusaleme hinwaalanjisa kuli A-Ngresia hanga nukaatwale kusuku ni chifuchi cho;

Amose 1:11

Yehova kanambe ngwenyi, Mumu ha milonga yitatu ya Endome hanji yiwana, chichi kahilwisa kastigu, mumu yakaula mwanakwo ni katana nikumbila keke yeswe. Utenu wenyi wapapulwile matangwa eswe; wafungile ufwatulo wenyi wa mutolo.

Amose 1:3

Yehova kanambe ngwenyi, Mumu ha milonga yitatu ya Ndamaseku, hanji yiwana, chichi kahilwisa kastigu, mumu hanazungula Ngiliate ni chikungo cha utale.

Amose 1:7

Chocho mungutuma kahia ha chipanga cha Ngeza mba mukalalisa mbonge jako.

Amose 1:9

Yehova kanambe ngwenyi, Mumu ha milonga yitatu ya Teru hanji yiwana, chichi kahilwisa kastigu, mumu akunjikile vungu lia muwundu ku Endome kewulukile usendo wa usoko.

Obadia 1:11

Ha tangwa lize yena wamanyine ku lumbu. Ha tangwa lize yilambala apunjile yikumba yenyi, ni tundaka anjilile ku yajilo yenyi nikulela chela Yerusaleme, chipwe yena wapwile hamuwika no.

Zakaria 9:5

Asekalone makachimona; makevwa woma; ni Ngeza nawa mba makalifwita ni yikola. Ni Ekrone nawa mumu kutalatala chenyi hichafuwa. Mwanangana wa Ngeza makafwa; Asekalone makasala keshi ni atu.

Yilinga 8:26

Alioze mungelo wa Mwene wahanjikile kuli Fwilipe ngwenyi, Katuka, uye ku Sule mu jila yize ya kukatuka ku Yerusaleme ya kupalumuka ku Ngeza: yenayo puya.

1 Samuel 6:17

Yivunda ya oru ya mulambu wa uhie yize A-Filistea atumine kuli Yehova, yino; ha Ashedode chimuwika, ha Ngeza chimuwika, ha Asekalone chimuwika, ha Ngata chimuwika, ha Ekrone chimuwika.