Amose 1:5 - MUKANDA USANDU WA ZAMBI 1975

⁵ Mungumakuna njalo ja Ndamaseku, mungutetaho waze atwama mu chikulo cha Avene; munguteta ku Mbete-Endene mwe mukwa lukanda, ni atu ja Seria maya ku unjize ku Kiri. Chocho kanambe Yehova.

Mukanda Wa Zambi 1970

⁵ Munguka makwona yajilo ya limbo Damasku. Mungukachiza miata ja chihunda cha Betedene ni atu a mu mbongo ya Avene. Akwa kole maakatwala atu a mu chifuchi cha Siria funge ku chifuchi cha Kire.”

Amose 1:5 Iomraidhean Croise

1 MIANANGANA 14:28

Yitanga yikwo ya Jeroboame ni yize yeswe alingile, ni ndundo jenyi, ni chize ashile jita, ni chize wahilwishile kuli Izalele Ndamaseku ni Hamate wa Yunda hanayisoneka mu mukanda wa sango ja mianangana ja Izalele.

1 MIANANGANA 16:9

Mwanangana wa Asuria yamwivwa; yakanduka kulimika ni Ndamaseku; yachitambula; yambata atu jamo ku Kiri funge; yashiha Rezine.

Izaya 22:6

Elame yambata chindalo hamwe ni matemba-a-jita ni akwa tuvwalu; ni Kiri yafukula lukepwe.

Izaya 43:14

Yehova Mukwa-Kunukula, mwe Musandu wa Izalele kanambe ngwenyi, Ha mukunda wa yenu mungukatuma ku Babilonia, mungukamakuna njalo jeswe, mba kukalumioka cha A-Kaletea muchalumuka kulila mbimbi.

Izaya 8:4

mumu shimbu mwana kanda achinyingika kwamba ngwenyi, Tata, hanji Mama, upite wa Ndamaseku ni yikumba ya Samaria mayimbata kumeso ja mwanangana wa Asuria.

Jeremia 50:36

Eze katana hali tahi, akalumuke yihepuke! Eze katana hali tujita twenyi akanonge!

Jeremia 51:30

Tujita twa Babilonia hanalitwamina kwasa jita; kanatwama mu yiswamo yo. Tachi jo hijahwa, hanalumuka ngwe mapwo. Mazuwo jako kanaweme, ni njalo jenyi hijinamakuka.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Ezekiel 27:23

Akwa Harane, ni Kane, ni Endene, ni Ashure, ni Chilimade asepele ni yena.

Ezekiel 30:17

Akweze a ku Avene ni Pibesete makafwa ni katana, ni mapwo maya ku ufunge.

Hosea 10:8

Manangamo a Avene, we mutenga wa Izalele, makaonwona. Mingonga ni mikalale muyikasoka ha yilumbilo, mba makamba ku milundu ngwo, Tufukenu. Makamba ku mindundena ngwo, Holokenu hali yetu.

Amose 5:5

Alioze kanda nufupa ku Mbetele; kanda nunjila ku Ngilingali chipwe kuzauka ku Mbia-shipa. Mumu akwa Ngilingali makaya ku unjize ni akwa Mbetele makaapwisa mokomoko.

Amose 9:7

Yehova kanambe ngwenyi, Enu A-Izalele kunwapwile ngwe A-Etiopia kuli yami? Te chachijile A-Izalele ku chifuchi cha Engitu? Ni A-Filistea ku Kafetore ni A-Seria ku Kiri?

Nahume 3:13

Tujita twenu hapwa ngwe mapwo hakachi kenu. Yikolo ya chifuchi chenu yapwa yawashi kuli akwa kole jenu. Njalo jenu hijawema ni kahia.