Amose 1:2 - MUKANDA USANDU WA ZAMBI 1975

² Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.

Mukanda Wa Zambi 1970

² Mukwa munanyi wa Zambi Amose kanambe ngwenyi: “Mwene Zambi kanakulunguza ha mukinda wa Zione, liji lienyi linahiohio ku limbo lia Yerusaleme. Mwambu wa yimuna hiwoma, mashinde ha mulundu wa Karmele haachiluluka.”

Amose 1:2 Iomraidhean Croise

Miaso (Masamu) 29:4

Liji lia Yehova ndundo Ukwete; liji lia Yehova Hazala tò ni ulamba.

Miaso (Masamu) 46:6

Mavungu atenukine; mawanangana atutulukile; iye wahanjikile mba hashi hasangunukine.

Yishima 20:2

Mwongo mavwila mwanangana unapu ngwe ha kuhiohia cha ndumba; mweswe mamwihia atenuke kanavulumuna mwono wenyi.

Izaya 33:9

Chifuchi chinalili ni kuhonga; Lebano kuyinatatajala ni kulela; Sharone yapwa ngwe puya, ni Mbashane ni Karmela kanalakumuna mafwo jo.

Izaya 35:2

Kumuyikatemuna nikulumbama nikuwahilila ni chiseke ni kwimba. Mahanako uhenya wa Lebano, ni ulamba wa Karmela ni Sharone. Kumakamona uhenya wa Yehova ni ulamba wa Zambi yetu.

Izaya 42:13

Yehova kanatuhuka ngwe mutu wa ndundo, ngwe kajita kanavundula ufwatulo wenyi. Kanakololoka, kanakalumioka, kanalisolola mukwa ndundo wa kulimika ni akwa kole jenyi.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 25:30

Kashika muprofeteza maliji ano eswe kulimika no nikwamba kuli ayo ngwe, Yehova kwilu makahanjika lundunjila ku zuwo lienyi lisandu liji lienyi mulikahiohia. Kumakahanjika ni lundunjila wa tachi cha kulimika ni limba lienyi lia mapanga, kumakakololoka kulimika ni akwa hano hashi eswe, ngwe akwa kuliata uva mu ukamino.

Jeremia 28:8

Ngwami, Aprofeta waze atutetekelele chize ku miaka ya shakulu aprofetezele jita, ni kapunga, ni chilungo ya kulimika ni yifuchi yinji ni mawanangana anene.

Jeremia 50:19

Munguhilwisa Izalele ku ulilo wenyi, mba kumakahia ha Karmela, ni mu Mbashane, ni kuzanga chenyi cheswe muchikayuka ha mindundena ya Eframe ni mu Ngiliate.

Hosea 11:10

O kumakakaula Yehova, mba iye makateta ngwe ndumba. Ewa makateta mba anenyi-a-malunga meza nikuchikima ni kukatuka ku Chitokelo.

Hosea 13:8

Mungwalundumukina ngwe ursu yoze hamwiya ana jenyi. Mungwapula pambo; kwenako mungwaha ngwe ndumba; ngwe ngongo kakwapapulula.

Joele 1:19

Yehova! Kuli yena ngunatete, mumu kahia hikalalisa ku ulilo wa mu puya; milengi hiyocha mitondo yeswe ya kutumba.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Joele 3:16

Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Amose 9:3

Chipwe maswamina ha mbulwa mulundu wa Karmela kwenako mungukaafupa ni kwakwata. Chipwe manguswamina mu mashima a kalunga-lwiji mungukatuma kapela mba makaasuma.

Nahume 1:4

Kakukanjisa kalunga-lwiji ni kumuumisa; kakuumisa njiji jeswe. Mbashane ni Karmela kuyakulila, ni yitemo ku Lebano kuyakuma.

1 Samuel 25:2

Kwapwile umwe lunga mu Mayone alioze upite wenyi Watwamine mu Karmela. Iye pichi; kali ni tununu atatu a mapanga, ni kanunu ka pembe. Te kanatewula mapanga jenyi mu Karmela.