Amose 1:14 - MUKANDA USANDU WA ZAMBI 1975

¹⁴ Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Mukanda Wa Zambi 1970

¹⁴ Kashika mungukocha chipanga cha limbo lia Raba ni mazuwo jo akolo. Atu maakakumbuka ha tangwa lia jita, jita ya tachi muyikabwa ngwe chijimbi.

Amose 1:14 Iomraidhean Croise

2 Samuel 11:1

Mba ha kupalika cha mwaka, ha kakweji wa kuya mianangana ku jita David yatuma Joabe hamuwika ni atu jenyi ni A-Izalele eswe. Yonwona A-Amone mba yaseleka Raba. Alioze David wanamine ku Yerusaleme.

2 Samuel 12:26

Joabe washile jita ni Raba wa A-Amone. Watambwile limbo lia mwanangana.

2 Samuel 12:31

Yachizamo atu aze apwilemo nikwasela ku selalo, ni ku yikungo ya kulima nayo, ni ku njimbu ja utale, nikwalingisa ku utengelo wa tijolo. Chocho walingile ku yihunda yeswe ya A-Amone. Mba David ni atu eswe yahiluka ku Yerusaleme.

1 Sango Ja Mianangana 20:1

Chapwile ha kangonde wa kwalumuka mwaka, haze mianangana ka-kuya ku jita, mba Joabe yatwala tujita nikwenyeka chifuchi cha A-Amone. Yaheta ku Raba; yayiseleka, alioze David yatwama ku Yerusaleme. Joabe yapupa Raba ni kuyikumba.

Jobe 39:25

Ha kuhiohia chitavwi kakulinga—Hoi! Kakuhumbika jita chipwe kusuku ni kukulunguza cha tupitau ni kukalumioka.

Miaso (Masamu) 83:15

Chocho ukaahange ni kakundukundu ke, ukaakolese woma ni kangonga ke.

Izaya 29:6

Yehova-wa-Tujita meza kuli yena ni kukulunguza, ni munyiko, ni Chizungozungo, ni chijimbi, ni kangonga, ni mulengi wa kahia ka kulalisa.

Izaya 30:30

Mba Yehova makavwisa atu liji lienyi lia mwanangana. Makamona kwoko lienyi nikuhulumuka nikwalamba ni utenu wa kulekwoka, ni mulengi wa kahia ka kulalisa, ni vula munji chikolo, ni kangonga, ni chiwe.

Izaya 9:5

Mumu sapato yeswe ya kajita yoze wakuliataliata mu Chizungozungo cha jita, ni mazalo eswe akuvunga mu manyinga, makayocha ngwe kunyi ja ha jiko.

Jeremia 23:19

Talenu kangonga ka Yehova! Ufwatulo hiwaputuka. Chijimbi wa tachi, makalundumukina ha mitwe ya yingulungulu.

Jeremia 49:2

Kashika Yehova kanambe ngwenyi, Matangwa kaneza muze munguneha mutambi wa jita mu matwi, wa kulimika ni Raba ya A-Amone. Muyalumuka mulumba wa hululu, ni tuyihunda twako matwocha ni kahia, mba henaho Izalele makasalakana waze amusalakanyine. Chocho kanambe Yehova.

Ezekiel 21:20

Funjika jila ya kwiza katana ku Raba ya A-Amone, ni ku Yunda, ni ku Yerusaleme, chihunda cha kukolesa.

Ezekiel 21:22

Ku kwoko lienyi ha chindume kwejile ngombo ya Yerusaleme akase makina ja kupupa; akapakule kanwa ha kuhana; akakalumuke, akase makina ja kupupa ku mapito, akalumbike milumba ya jita, ni kutunga tuposhi a kuseleka.

Ezekiel 21:25

Ni yena chingulungulu wa kulijilula, yena mulemu wa A-Izalele, tangwa he hiliaheta, mwaka wa kastigu ye yasula.

Ezekiel 25:5

Mungukapwisa Raba ngwe ulilo wa tumelu, ni yihunda ya A-Amone ngwe matanga a yimuna. Henaho munukanyingika yami nguli Yehova.

Ezekiel 25:7

kashika hinazoza kwoko liami kulimika ni yenu, mba mungukanuhana nukapwe upite wa kupunda ku mavungu. Mungukanuteta hakachi ka mavungu, mungukanujimuna hakachi ka yifuchi. Mungukanunongesa. Henaho munukanyingika yami nguli Yehova.

Daniel 11:40

Ha mwaka wa kusula mwanangana wa ku Sule makalitachika nenyi, alioze mwanangana wa ku Norte makeza kulimika nenyi ngwe chijimbi ni matemba-a-jita, ni akwa tuvwalu ni mato anji. Makanjila mu yifuchi ni kutanda ni kupalika ndusu.

Amose 2:2

Chocho mungutuma kahia ha Moape mukalalisa mbonge ja Keriote, mba Moape makafwa ni Chizungozungo, ni kukalumioka ni liji lia chitavwi.

Zakaria 7:14

Kashika naamwangine ni chijimbi hakachi ka mavungu eswe kaanyingikine. Chocho chifuchi cho chasalile cha hululu; niumwe wapajekelemo, ni chifuchi chipema achipwishile cha hululu.

Shimbi 3:11

Mumu Oge Mwanangana wa Mbashane wika ukawenyi wasalile wa ku masalilo ja A-Refane. Kutala! Muhela wenyi wapwile wa utale; uli mu Raba lia kuli A-Amone. Usuhe wawo te mbandu livwa, utohe wawo ngwe mbandu jiwana, nikulita ni cheseko cha mutu.