Amose 1:1 - MUKANDA USANDU WA ZAMBI 1975

¹ Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Mukanda Wa Zambi 1970

¹ Mukanda uno unalumbununa maliji ja Amose, kafunga ka mapanga, wa ku chihunda cha Tekoa. Zambi yamusolwela yuma yino hakutwala kuli Aisraele, te hikwasala miaka yaali ndoo ku kunyika cha hashi, muze Uzia abwile mwanangana mu chifuchi cha Yuda, ni Jeroboame, mwana wa Joashe, abwile mwanangana wa mu chifuchi cha Israele.

Amose 1:1 Iomraidhean Croise

2 Samuel 14:2

Kashika Joabe yatuma ku Tekoa yasaka umwe pwo mukwa mana. Yamba kuli iye ngwenyi, Ulionge kama kupwa ngwe umwe wafwisa mutu. Zala kama mazalo a tuliwa. Kanda ulikwita maji alioze pwako ngwe umwe halinyengena mufu shimbu linene.

1 Yitanga Ya Mianangana 19:19

Chocho yakatukako, yawana Elisha mwana Sefate kanalimi ni sharua ni kumi lia kanga ja ngombe ni kanga jiali kulutwe lienyi. Kumi ni yamuchiali te niyenyi. Eliya yaheta kuli iye yasa hina lienyi hali iye.

1 MIANANGANA 14:21

Atu eswe a Yunda atambwile Azaria nikumupwisa mwanangana kusalakana tato Amazia, te kali ni kumi lia miaka ni miaka yisambano.

1 MIANANGANA 14:23

Ha mwaka kumi ni wamuchitano wa Amazia mwana Njoashe mwanangana wa Yunda, Jeroboame mwana Njoashe mwanangana wa Izalele yaputuka kuyula mu Samaria. Aye wayulile makumi awana a miaka ni mwaka umuwika.

2 Sango Ja Mianangana 11:6

Yatunga Mbeteleme, ni Etame, ni Tekoa,

2 Sango Ja Mianangana 20:20

Yahinduka chimenemene, yaya ku puya ya Tekoa, mba shimbu machituhuka Yehosofate yamana, yamba ngwenyi, Enu A-Yunda ni yenu A-Yerusaleme ngwivwenu. Jikijilenu hali Yehova Zambi yenu, chocho munukola; fulielenu aprofeta jenyi, chocho yuma yenu muyiwaha.

Kutuhuka 3:1

Mose wafungile mapanga ja tatoweno Yetoru, mwe sasendote wa A-Mindiane. Yatwala mapanga mu sali lia puya. Yaheta ku Horepe, mulundu wa Zambi.

Izaya 1:1

Usolwelo wa Izaia mwana Amoze, uze amwene ha kutwala kuli A-Yunda ni A-Yerusaleme, ha matangwa a Uzia, ni Yotame, ni Ahaze, ni Hezekia, mianangana ja Yunda.

Jeremia 1:1

Maliji a Jeremia, mwana Hilekia, wa hakachi ka asasendote, waze apwile mu Anatote mu chifuchi cha Mbenjamine.

Jeremia 28:8

Ngwami, Aprofeta waze atutetekelele chize ku miaka ya shakulu aprofetezele jita, ni kapunga, ni chilungo ya kulimika ni yifuchi yinji ni mawanangana anene.

Jeremia 6:1

Enu atu ja Mbenjamine Chinenu mu Yerusaleme, nukawane ulamwino! Humunenu chitavwi mu Tekoa, senu chilayi ha Mbete-hakereme. Mumu chipi chinamoneka ku Norte, ni kwonwona chinene.

Jeremia 7:27

Kashika muhanjika maliji wano eswe kuli ayo, alioze kechi kukupanjika. Mutambika kuli ayo, alioze kechi kukukumbulula.

Hosea 1:1

Liji lia Yehova lize liejile kuli Hozea mwana Mberi ha matangwa ja Uzia ni Yotame, ni Ahaze, ni Hezekia, mianangana ja Yunda ni ha matangwa ja Jeroboame mwana Njoashe mwanangana wa Izalele.

Amose 7:14

Alioze Amose yakumbulula Amazia ngwenyi, Ami chapwile profeta, chipwe mwana wa profeta. Napwile kafunga ka yimuna kanda mukwa kufunga misuwa.

Mika 1:1

Liji lia Yehova lize liejile kuli Mika wa ku Morese ha matangwa ja Yotame, ni Ahaze, ni Hezekia mianangana ja Yunda, lize amwene lia kutwala ku Samaria ni Yerusaleme.

Zakaria 14:5

Mba mungulunga wa milundu yami makaujika, mumu mungulunga wa milundu muukakwata kwe ku lumbu liawo, mba munukachina ngwe nwachinyine ku munyiko ha matangwa ja Uzia mwanangana wa Yunda. Henaho Yehova Zambi yenu kumakeza ni asandu jenyi eswe hamwe nenyi.

Mateu 4:18

Ha kusesesa Chitende cha Ngalileya, wamwene asongo-ni-mutu, Semone yoze anamuvuluka ngwo, Petulu, ni mwanakwo Andeleu, kanatela wanda mu Chitende; mumu apwile akwa kutela yishi.

1 Korintu 1:27

Alioze Zambi hanatongola yuma ya uhepuke ya hano hashi, hanga akakolese sonyi akwa mana, Zambi hanatongola yuma yilelu ya hano hashi, hanga akakolese sonyi yuma ya tachi;