Alevi 9:4 - MUKANDA USANDU WA ZAMBI 1975

⁴ ni kuji ya ngombe ni kuji ya panga akapwe milambu ya sambukila, akaatape kumeso ja Yehova; ni mulambu wa wunga wa kuchinga ni maji, mumu musono Yehova kumasoloka kuli yenu.

Mukanda Wa Zambi 1970

⁴ ni kuji a ngombe ni kuji a panga mumu ha mulambu wa kulivwa ni Zambi. Aalambule kuli Mwene Zambi hamwe ni mulambu wa mbuto wa kuchinga ni maji. Chaatamba kulinga chino mumu Mwene Zambi kumaasolokela musono.”

Alevi 9:4 Iomraidhean Croise

Kutuhuka 16:10

Chocho shimbu Arone machihanjika ni chikungulwila cheswe cha A-Izalele, o yatala ku puya, kumanyi ulemu wa Yehova te unasoloka mu lelwa.

Kutuhuka 19:11

Akalilulike tangwa liamuchitatu mumu ha tangwa liamuchitatu Yehova makahulumuka ndo ha mulundu wa Sinai kumeso ja atu eswe.

Kutuhuka 24:16

Uhenya wa Yehova Watwamine ha mulundu wa Sinai. Lie lelwa yiliufuka ha matangwa asambano. Ha tangwa liamuchishimbiali iye yatambika kuli Mose ni liji yilituhuka muchima lia lelwa.

Kutuhuka 29:43

Kuze mungukatakana ni A-Izalele. Ulemu wami muukapwisa yisandu ye mbalaka.

Ezekiel 43:2

Kumanyi uhenya wa mwe Zambi ya Izalele unakatuka ku Chivumbuko. Lundunjila wa kwiza chenyi wapwile ngwe lundunjila wa meya anji, ni hashi hahenyene ni uhenya wenyi.

Ezekiel 43:27

Muze hamana matangwa wano, mba chize ku tangwa liamuchinake kulutwe asasendote makalambwila ha chilumbilo milambu yenu ya kulumba, ni milambu yenu ya sambukila; mba mungukanutambula. Chocho kanambe Mwene Yehova.

Alevi 2:1

Mba muze umwe makalambula mulambu wa wunga kuli Yehova, mulambu wenyi ukapwe wa wunga wafufunuka. Akaseho maji ni libano.

Alevi 3:1

Nyi kachi mulambu wenyi muukapwa chitapo cha sambukila, kachi matambula wa ngombe, chipwe kuji, chipwe chihwo, akamutambule keshi chipa kumeso ja Yehova.

Alevi 9:23

Mba Mose ni Arone yanjila mu mbalaka ya chikungulwila. Muze yatuhuka, yawahisa atu, mba ulemu wa Yehova yiusoloka kuli atu eswe.

Alevi 9:3

Amba kuli A-Izalele ngwe, Andenu kuji ya pembe akapwe mulambu ha shili, ni chimbembe ni mwana-panga, eswe ni aali a mwaka umuwika, keshi chipa, akapwe mulambu wa kulumba;

Alevi 9:5

Mba yuma yeswe Mose waatumine yayineha kulutwe lia mbalaka ya chikungulwila. Che chikungulwila cheswe chakundama nikumana kumeso ja Yehova.

Alevi 9:6

Mose yamba ngwenyi, Chino che chuma Yehova wanutumine mba ulemu wa Yehova muusoloka kuli yenu.

Kwalula 14:10

Alioze chikungulwila cheswe yamba ngwo, Twasenu mawe. Ulemu wa Yehova yiusoloka mu mbalaka ya chikungulwila kuli A-Izalele eswe.

Kwalula 16:19

Kora yakungulula chikungulwila cheswe nikulimika no kwe ku chikolo cha mbalaka ya chikungulwila. Ulemu wa Yehova yiusoloka ku chikungulwila cheswe.