Alevi 9:3 - MUKANDA USANDU WA ZAMBI 1975

³ Amba kuli A-Izalele ngwe, Andenu kuji ya pembe akapwe mulambu ha shili, ni chimbembe ni mwana-panga, eswe ni aali a mwaka umuwika, keshi chipa, akapwe mulambu wa kulumba;

Mukanda Wa Zambi 1970

³ Mba lweza Aisraele ande kuji a pembe mumu ha mulambu wa mulonga, ni chimbembe ni panga wa mwaka umuwika, waze keeshi kapalia, mumu ha mulambu wa kwocha,

Alevi 9:3 Iomraidhean Croise

Ubutukilo 37:31

O yanda chikuto cha José, yashiha kuji a pembe, yachupika chikuto mu manyinga.

Ezra 10:19

O yalilakenya kulakula mapwo jo, ni se uhie ali nawo, alambwile kuji ya panga wa ku chendo ha uhie wo.

Ezra 6:17

Yalambula ha kutumbikila ku usandu cha zuwo lino lia Zambi kulakaji lia kuji a ngombe, ni kulakaji aali a kuji a mapanga, ni kulakaji awana a ana-mapanga. Mulambu ha shili hali A-Izalele eswe, ashihile kumi lia kuji a pembe, ni kuji a pembe aali nikulita ni kwalula cha minyachi ya Izalele.

Kutuhuka 12:5

Mwana-panga wenu akapwe keshi chipa, musamba wa kuji, nukamuchize ku mapanga chipwe ku pembe.

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Alevi 10:16

Mose yafupafupa mwe pembe wa mulambu ha shili, kumanyi hamwocha! Kashika watenukine ni Eleazare ni Itama ana ja Arone waze asala, ngwenyi,

Alevi 12:6

Muze matangwa jenyi a kumupemesa hahwa, apwe hali mwana wa lunga, apwe hali mwana wa pwo, akanehe kuli sasendote ku chikolo cha mbalaka ya chikungulwila mwana-panga wa mwaka umuwika akapwe mulambu wa kulumba. Akahane nawa mwana-liembe, hanji katele, akapwe mulambu ha shili.

Alevi 14:10

Ha tangwa liamuchinake akande ana-mapanga aali a kuji keshi chipa, ni chihwo cha panga umuwika wa mwaka umuwika, keshi chipa, ni mulambu wa wunga wa yihanda yitatu ya ku kumi ha yihanda ya wunga wafufunuka wa kuchinga ni maji, ni njongo ya maji.

Alevi 16:15

Mba makashiha mwe pembe wa mulambu ha shili wa e atu akanehe manyinga jenyi muchima lia chikalakala. Akalinge ni manyinga jenyi chizechene ngwe halinga ni manyinga a mwe chimbembe, nikwasapwila ha chitwamo cha keke ni kulutwe lia chitwamo cha keke.

Alevi 16:5

Ku chikungulwila cha A-Izalele akatambule kuji a pembe aali akapwe mulambu ha shili, ni kuji ya panga umuwika akapwe mulambu wa kulumba.

Alevi 23:12

Ha tangwa lize munuhungisa chichita nukalambule kuji ya panga wa mwaka umuwika, keshi chipa, akapwe mulambu wa kulumba kuli Yehova.

Alevi 4:23

nyi mutonga uze havulumuna hamulwezawo, akanehe pembe ha mulambu wenyi, kuji keshi chipa.

Alevi 4:3

nyi sasendote wa kuwayisa ni maji makavulumuna nikukoka uhie hali atu, akatambule kuli Yehova ha mutonga wenyi uze havulumuna chimbembe wa kuji keshi chipa, akapwe mulambu ha shili.

Alevi 9:2

Yamba kuli Arone ngwenyi, Anda chimbembe cha kuji akapwe mulambu ha shili, ni kuji ya panga akapwe mulambu wa kulumba, eswe ni aali keshi chipa, ukaalambule kumeso ja Yehova.

Alevi 9:4

ni kuji ya ngombe ni kuji ya panga akapwe milambu ya sambukila, akaatape kumeso ja Yehova; ni mulambu wa wunga wa kuchinga ni maji, mumu musono Yehova kumasoloka kuli yenu.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,