Alevi 9:23 - MUKANDA USANDU WA ZAMBI 1975

²³ Mba Mose ni Arone yanjila mu mbalaka ya chikungulwila. Muze yatuhuka, yawahisa atu, mba ulemu wa Yehova yiusoloka kuli atu eswe.

Mukanda Wa Zambi 1970

²³ Mose ni Arone yaanjila mu zuwo lia Zambi. Muze haatuhuka yaawahisa atu. Hohene uhenya wa pangu lia Mwene Zambi yiusoloka kuli atu eswe.

Alevi 9:23 Iomraidhean Croise

2 Sango Ja Mianangana 7:1

Muze Solomone hamana kulemba kwahulumukine kahia mwilu nikulalisa mulambu wa kulumba ni yitapo; ni uhenya wa Yehova yiuzalisa zuwo.

Kutuhuka 16:10

Chocho shimbu Arone machihanjika ni chikungulwila cheswe cha A-Izalele, o yatala ku puya, kumanyi ulemu wa Yehova te unasoloka mu lelwa.

Kutuhuka 39:43

Mose yatala milimo yeswe, kumanyi te halinga yeswe chizechene ngwe Yehova hamba, chocho hayilinga, mba Mose yaawahisa.

Alevi 9:4

ni kuji ya ngombe ni kuji ya panga akapwe milambu ya sambukila, akaatape kumeso ja Yehova; ni mulambu wa wunga wa kuchinga ni maji, mumu musono Yehova kumasoloka kuli yenu.

Alevi 9:6

Mose yamba ngwenyi, Chino che chuma Yehova wanutumine mba ulemu wa Yehova muusoloka kuli yenu.

Kwalula 14:10

Alioze chikungulwila cheswe yamba ngwo, Twasenu mawe. Ulemu wa Yehova yiusoloka mu mbalaka ya chikungulwila kuli A-Izalele eswe.

Kwalula 16:19

Kora yakungulula chikungulwila cheswe nikulimika no kwe ku chikolo cha mbalaka ya chikungulwila. Ulemu wa Yehova yiusoloka ku chikungulwila cheswe.

Kwalula 16:42

Muze te chikungulwila muchikunguluka nikulimika ni Mose ni Arone, yatala ku mbalaka ya chikungulwila; kutala, lie lelwa linayifuku, ulemu wa Yehova kuunasoloka.