Alevi 9:1 - MUKANDA USANDU WA ZAMBI 1975

¹ Ha tangwa liamuchinake Mose yasanyika Arone ni anenyi a malunga ni makulwana a Izalele.

Mukanda Wa Zambi 1970

¹ Muze matangwa a kukunjika mahako ku milimo yo haahwa, Mose yatambika Arone ni ana jenyi a malunga ni miata ja Aisraele.

Alevi 9:1 Iomraidhean Croise

Alevi 14:10

Ha tangwa liamuchinake akande ana-mapanga aali a kuji keshi chipa, ni chihwo cha panga umuwika wa mwaka umuwika, keshi chipa, ni mulambu wa wunga wa yihanda yitatu ya ku kumi ha yihanda ya wunga wafufunuka wa kuchinga ni maji, ni njongo ya maji.

Alevi 14:23

Ha tangwa liamuchinake makaaneha kuli sasendote a kumupemesa no, kwe ku chikolo cha mbalaka ya chikungulwila kumeso ja Yehova.

Alevi 15:14

Ha tangwa liamuchinake akande tutele aali hanji ana-a-membe aali akanjile kumeso ja Yehova ku chikolo cha mbalaka ya chikungulwila akaahane kuli sasendote.

Alevi 15:29

Ha tangwa liamuchinake akande tutele aali hanji ana-a-membe aali, akaatwale kuli sasendote ku chikolo cha mbalaka ya chikungulwila.

Alevi 8:33

Kanda nutuhuka ku chikolo cha mbalaka ya chikungulwila ndo matangwa shimbiali, ndo matangwa jenu ja kutumbikila ku usasendote hahwa. Mumu matangwa shimbiali makahwa ha kunusela ku usasendote.

Alevi 8:36

Chocho Arone ni anenyi a malunga alingile yuma yeswe Yehova watumine Mose.

Kwalula 6:10

Ha tangwa liamuchinake akatwale kuli sasendote tutele aali, chipwe ana-a-membe aali, ndo ku chikolo cha mbalaka ya chikungulwila.

Mateu 28:1

Achi, kulutwe lia Sambata, shimbu kwaputukile kutemwoka ha tangwa litangu lia semana, Maria Ka-Mandala ni Maria mukwo ayile mukutala fuka.