Alevi 8:9 - MUKANDA USANDU WA ZAMBI 1975

⁹ Yamusa kapusa ha mutwe wenyi, mba ha kapusa kulutwe wasele chipenya cha oru, che chipangula chisandu chizechene ngwe Yehova watumine Mose.

Mukanda Wa Zambi 1970

⁹ Yamujika kapusa ha mutwe, yalamika ho chibenya cha oru. Chilayi chize chinalumbunuka ngwo, hamukunjika ku milimo ya uhako, ngwe chize ambile Mwene Zambi.

Alevi 8:9 Iomraidhean Croise

Kutuhuka 28:4

Mazalo matonga wano; ni chipwiko, ni efode, ni hina lia ngungu, ni chikuto cha milimo ya kwola ya uhenya, ni kapusa, ni muya wa ponda; akatongele yayenu Arone ni ana jenyi a malunga mazalo asandu hanga iye akangulingile usasendote.

Kutuhuka 29:6

Ukase kapusa ha mutwe wenyi mba hikunangika chipenya chisandu ha mwe kapusa.

Kutuhuka 40:16

Chocho Mose walingile nikulita ni yeswe Yehova wamwambile. Chocho chialingile iye.

Alevi 8:21

Muze hakosa yingambiangambia ni molu mu meya, mba Mose yalumba mwe kuji ya panga mweswe ha chilumbilo akapwe mulambu wa kulumba wa lupembo mupema, mulambu wa kahia kuli Yehova, chizechene ngwe Yehova watumine Mose.

Alevi 8:36

Chocho Arone ni anenyi a malunga alingile yuma yeswe Yehova watumine Mose.

Zakaria 3:5

Yingwamba ngwami, Ase chipangula chipema ha mutwe wenyi. O yasa chipangula chipema ha mutwe wenyi, ni kumujika mazalo apema, shimbu mungelo wa Yehova unachimanako.