Alevi 8:7 - MUKANDA USANDU WA ZAMBI 1975

⁷ yamujika che chikuto, yamujichika we muya wa ponda, yamusa lie hina lia ngungu, ni ye efode, yamujichikayo ni muya wa ponda wa ulangaji wa ku efode.

Mukanda Wa Zambi 1970

⁷ Yajika Arone chikuto cha kwola ni chikuto chisuku, ni muya mu zalilo yenyi. Yamujika chikuto chihi ni kuchikasa ni muya wa kutunga ni utotombo mu zalilo yenyi.

Alevi 8:7 Iomraidhean Croise

Kutuhuka 28:2

Ukatongele yayenu Arone mazalo asandu, akapwe a ulemu, a upeme.

Kutuhuka 28:4

Mazalo matonga wano; ni chipwiko, ni efode, ni hina lia ngungu, ni chikuto cha milimo ya kwola ya uhenya, ni kapusa, ni muya wa ponda; akatongele yayenu Arone ni ana jenyi a malunga mazalo asandu hanga iye akangulingile usasendote.

Kutuhuka 28:6

Akalinge ye efode ya oru ni ya hina lilauluka, ni lia ufungo, ni lia ngengu, ni lipema litoma, chitanga cha chilangaji.

Kutuhuka 29:5

Ukande mazalo, ukajike Arone chikuto, ni hina lia ngungu lia efode, ni ye efode, ni chipwiko. Ukamujichike ni muya wa ponda wa ulangaji wa ye efode.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Ezekiel 42:14

Muze asasendote manjila muma musandu, kechi kukatukamo akaye ku yiza ya haze ndo matulikilamo mazalo jo aze akuvumbika no mumu mazalo aze asandu. Shimbu makundama ku yuma ya atu mazala mazalo eka.

A-ROMA 13:14

Alioze zalenu Mwene Yesu Kristu, kanda nusela nichimwe ha musunya mukumanununa usolo wawo.

A-ROMA 3:22

te ululi wa Zambi ku Ufulielo muli Yesu Kristu, kuli eswe, ni hali waze eswe akufuliela; mumu kulipwila chakuhi nichimwe.

Galashia 3:27

Mumu eswe a kuli yenu anupapachishile muli Kristu, hinunazala Kristu.

1 Samuel 2:28

Chamusakwile hakachi ka minyachi yeswe ya Izalele akapwe sasendote yami, akakundame ku chilumbilo chami kwochela insensu, nikuzala efode kumeso jami, nyi? Chahanyine kuli munyachi wa tatenu milambu yeswe ya kahia ya A-Izalele, nyi?