Alevi 8:23 - MUKANDA USANDU WA ZAMBI 1975

²³ Mose yamushiha, yanda amwe manyinga yaakomona ha songo lia twitwi lia chindume lia Arone, ni ha munwe wa shina wa kwoko lienyi lia chindume, ni ha munwe wa shina wa kulu lienyi lia chindume.

Mukanda Wa Zambi 1970

²³ Mba Mose yamushiha, yanda amwe manyinga, yaakomona Arone ku twitwi lia ku chindume, ni ha munwe wa shina wa ku kwoko lienyi lia chindume, ni wa ku kulu lienyi lia chindume.

Alevi 8:23 Iomraidhean Croise

Kutuhuka 29:20

Hohene ushihe mwe kuji ya panga, utwale manyinga jenyi hikukomona ha songo lia twitwi lia chindume lia Arone ni ha songo lia matwi a chindume a ana jenyi a malunga ni ha minwe ya shina ya moko jo a chindume, ni ha minwe ya shina ya molu jo a chindume. Usapwile e manyinga ha chilumbilo kwa kujingilika kweswe.

Kutuhuka 29:21

Uchize ku manyinga ali ha chilumbilo ni ku maji a kuwayisa no, wasapwile hali Arone, ni ha mazalo jenyi, ni hali ana jenyi a malunga, ni ha mazalo a ana jenyi a malunga hamwe nenyi. Umusele usandu ni mazalo jenyi, ni ana jenyi a malunga, ni mazalo a ana jenyi a malunga.

Alevi 14:14

Sasendote akande amwe manyinga a ku mulambu wa uhie akaakomone ha songo lia twitwi lia chindume lia yoze anambe kumupemesa, ni ha munwe wa shina wa kwoko lia chindume, ni ha munwe wa shina wa kulu lia chindume.

Alevi 14:17

Amwe maji aze asala mu kwoko lienyi sasendote makomona ha songo lia twitwi lia chindume lia yoze anambe kumupemesa, ni ha munwe wa shina wa kwoko lia chindume, ni ha munwe wa shina wa kulu lia chindume ha manyinga a mulambu wa uhie.

Alevi 14:25

Mashiha mwana-panga wa mulambu wa uhie, mba sasendote manda amwe manyinga a mulambu wa uhie, maakomona ha songo lia twitwi lia chindume lia yoze anambe kumupemesa, ni ha munwe wa shina wa kwoko lia chindume, ni ha munwe wa shina wa kulu lia chindume.

Alevi 14:28

Maji aze ali mu kwoko lienyi sasendote maakomona ha songo lia twitwi lia chindume lia yoze anambe kumupemesa, ni ha munwe wa shina wa kwoko lia chindume, ni ha munwe wa shina wa kulu lia chindume, haze asele manyinga a mulambu wa uhie.

Alevi 7:37

Yino ye shimbi ya mulambu wa kulumba, ni ya mulambu wa wunga, ni ya mulambu ha shili, ni ya mulambu wa uhie, ni ya kulitumbikila, ni ya chitapo cha mulambu wa sambukila,

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

A-ROMA 6:13

chipwe kanda nukatumbikila yihanda yenu yitwa ya uhenge ku shili; alioze litumbikilenu kuli Zambi chizechene ngwe a mwono hanaahindwisa hakachi ka afu, ni yihanda yenu yitwa ya ululi kuli Zambi.

A-ROMA 6:19

Ngunahanjika ngwe mutu, mumu ha ulelu wa musunya wenu: mumu chizechene ngwe nwatumbikilile yihanda yenu ngwe ndungo ja luchisa ni ku ungulungulu ha ungulungulu; chizechene haliapwila tumbikilenu yihanda yenu ngwe ndungo ja ululi ndo ku usandu.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Korintu 6:20

mumu hananulande ni ndando: kashika Chichimiekenu Zambi mu mijimba yenu ni mu maspiritu jenu, mumu ya Zambi.

Filipu 1:20

Nikulita ni usona wami, ni kutalatala chami, ngwami, Ku nichimwe chichi kevwa sonyi, alioze ni hamu lieswe, chizechene ngwe matangwa eswe, haliapwila nawa Kristu mamutomesa mu mujimba wami, chipwe ku mwono, chipwe ku kufwa.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

1 Tesalonika 5:22

Súlenu ku milali yeswe ya ungulungulu.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.

Hebreu 5:8

Chipwe wapwile Mwana, hindu walilongesele kwononoka ku yuma yize evwilile lamba.