Alevi 8:15 - MUKANDA USANDU WA ZAMBI 1975

¹⁵ Mose yamushiha, yanda manyinga ha munwe wenyi, yaakomona ha mbinga ja chilumbilo ha kujingilika, nikupemesa chilumbilo. Yazujila manyinga ku shina lia chilumbilo nikuchisela ku usandu, kuchifukila shili.

Mukanda Wa Zambi 1970

¹⁵ Mose yashiha mwe ngombe, yanda amwe manyinga yaakomona ha mbinga jiwana ja chilumbilo ni munwe wenyi. Manyinga waze asalile ho yaahinjila kushi lia chilumbilo. Chenacho achibemesene ni kuchikunjika.

Alevi 8:15 Iomraidhean Croise

2 Sango Ja Mianangana 29:24

Mba asasendote yaashiha, yapwisa manyinga jo mulambu ha shili ha chilumbilo akafuke A-Izalele eswe, mumu mwanangana yatuma ngwenyi, Mulambu wa kulumba ni mulambu ha shili yikapwe hali A-Izalele eswe.

Ezekiel 45:20

Munukalinga chimuwika ha tangwa liamuchishimbiali lia kakweji hali mweswawo yoze havulumuna ha kulweza hanji ha kwalajala. Chocho munukakukila tembele.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Alevi 1:11

Akamushihe kumeso ja Yehova ku lumbu lia chilumbilo liatata ku Norte. Mba asasendote, ana ja Arone, akasapwile manyinga jenyi kwa kujingilika ha chilumbilo.

Alevi 1:5

Mba akashihe mwe kuji kumeso ja Yehova; asasendote, ana ja Arone, akatambule e manyinga nikwasapwila kwa kujingilika ha chilumbilo chili ku chikolo cha mbalaka ya chikungulwila.

Alevi 16:20

Muze hamana kufuka shili ha muma musandu, ni mbalaka ya chikungulwila ni chilumbilo, mba makunjika mwe pembe wa mwono.

Alevi 3:2

Akase kwoko lienyi ha mutwe wa mulambu wenyi, akamushihe ku chikolo cha mbalaka ya chikungulwila. Mba asasendote, ana ja Arone, makasapwila e manyinga kwa kujingilika ha chilumbilo.

Alevi 3:8

Akase kwoko lienyi ha mutwe wa mulambu wenyi, akamushihe kulutwe lia mbalaka ya chikungulwila, mba ana ja Arone akasapwile manyinga jenyi kwa kujingilika ha chilumbilo.

Alevi 4:25

Sasendote makanda amwe manyinga a mulambu ha shili ha munwe wenyi, akaakomone ha mbinga ja chilumbilo cha milambu ya kulumba, mba manyinga asala akaazujile ku shina lia chilumbilo cha milambu ya kulumba.

Alevi 4:30

Sasendote makanda amwe manyinga ha munwe wenyi akaakomone ha mbinga ja chilumbilo cha milambu ya kulumba, mba manyinga eswe asala akaazujile ku shina lia chilumbilo.

Alevi 4:7

Sasendote akakomone amwe manyinga ha mbinga ja chilumbilo cha insensu ya lupembo mupema kumeso ja Yehova, chili mu mbalaka ya chikungulwila. Mba manyinga eswe asala a mwe kuji makaazujila ku shina lia chilumbilo cha milambu ya kulumba chili ku chikolo cha mbalaka ya chikungulwila.

Alevi 6:30

Alioze kanda akalia mulambu ha shili, uze manyinga jawo haaneha mu mbalaka ya chikungulwila ha kufuka mwe muma musandu. Akawoche ni kahia.

Kwalula 8:12

A-Levi akasayike moko jo ha mitwe ya yimbembe. Mukwo ukamulambule mulambu ha shili, ni mukwo ukamulambule mulambu wa kulumba kuli Yehova, mukufukila A-Levi shili yo.

A-ROMA 5:10

Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi;

Efesu 2:16

hanga akawanyise eswe aali kuli Zambi mu mujimba umuwika ku kulusu, se wahwishile nawo ye kole.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.