Alevi 8:13 - MUKANDA USANDU WA ZAMBI 1975

¹³ Mose yaneha ana ja Arone, yaajika yikuto, yaajichika miya ya ponda, yaajichika tupusa chizechene ngwe Yehova watumine Mose.

Mukanda Wa Zambi 1970

¹³ Mba Mose yaneha ana ja Arone a malunga, yaajika yikuto, ni miya mu zalilo jo, ni yifulu ha mitwe yo, ngwe chize ambile Mwene Zambi.

Alevi 8:13 Iomraidhean Croise

Miaso (Masamu) 132:9

Asasendote je akatenge ululi mazalo jo. Asandu je akalikwize ni uwahililo.

Kutuhuka 40:13

Ukajike Arone mazalo asandu. Ukamuwayise ni maji. Ukamusele ku usandu hanga akangulingile usasendote.

Kutuhuka 40:16

Chocho Mose walingile nikulita ni yeswe Yehova wamwambile. Chocho chialingile iye.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Izaya 61:6

Alioze yenu manutongola ngwo, Asasedote ja Yehova, atu manufumanyisa ngwo, Tuvumbi twa Zambi yetu. Munukalia upite wa mavungu, nikulisamba mu yikumba yo.

Ezekiel 42:14

Muze asasendote manjila muma musandu, kechi kukatukamo akaye ku yiza ya haze ndo matulikilamo mazalo jo aze akuvumbika no mumu mazalo aze asandu. Shimbu makundama ku yuma ya atu mazala mazalo eka.

Alevi 10:5

Chocho yeza yaambata mu yikuto yo, yaachiza mu chilombo, chizechene ngwe Mose haatuma.

Alevi 8:21

Muze hakosa yingambiangambia ni molu mu meya, mba Mose yalumba mwe kuji ya panga mweswe ha chilumbilo akapwe mulambu wa kulumba wa lupembo mupema, mulambu wa kahia kuli Yehova, chizechene ngwe Yehova watumine Mose.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

Usolwelo 1:6

watupwishile wanangana, asasendote kuli Zambi yenyi kanda Tato; uhenya ni ndundo yikapwe kuli iye ndo ku miaka ya mutolo. Amene.

Usolwelo 5:10

mba Waapwishile kuli Zambi yetu wanangana ni asasendote, o kumakayula hashi.