Alevi 7:30 - MUKANDA USANDU WA ZAMBI 1975

³⁰ Akanehe ni moko jenyi mwene milambu ya kahia kuli Yehova. Akanehe maji hamwe ni pambo hanga akahiingise ye pambo mulambu wa kuhungisa kumeso ja Yehova.

Mukanda Wa Zambi 1970

³⁰ Akachineha iye mwene ngwe mulambu wa yakulia. Akaneha maji a chimuna hamwe ni lie bambo, ni kuyihungisa ku meso ja Mwene Zambi. Kuuli mulambu wa kuhungisa.

Alevi 7:30 Iomraidhean Croise

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Alevi 10:14

Alioze pambo lia kuhungisa ni chilama cha kuzundula nukayilie kuma kweswako kupema, ni yena ni ane a malunga, ni ane a mapwo hamwe ni yena, mumu hanakweheyo yikapwe chihanda che ni cha ane a malunga, ya ku yitapo ya milambu ya sambukila ya A-Izalele.

Alevi 10:15

Chilama cha kuzundula ni pambo Ha kuhungisa akayinehe hamwe ni milambu ya kahia ya maji Ukayihungise kumeso ja Yehova mulambu wa kuhungisa. Muukapwa wa yena ni wa ane a malunga hamwe ni yena, chihanda chenu cha mutolo chizechene ngwe Yehova hamba.

Alevi 3:14

Mba makalambulako mulambu wenyi ukapwe mulambu wa kahia kuli Yehova, ngwami, maji a kufuka yingambiangambia, ni maji eswe a ku yingambiangambia,

Alevi 3:9

Akatambule mulambu wa kahia kuli Yehova wa ku chitapo cha mulambu wa sambukila, ngwami, maji jaho, ni muchila wa maji wa muwundu, akauchize kwe ku mitanda, ni maji a kufuka yingambiangambia, ni maji eswe a ku yingambiangambia,

Alevi 8:27

Ayo yeswe yayitumbika mu moko ja Arone ni mu moko ja anenyi a malunga. O yayihungisa mulambu wa kuhungisa kumeso ja Yehova.

Alevi 8:29

Mose yanda lie pambo yalihungisa mulambu wa kuhungisa kumeso ja Yehova. Liapwile lia mbala lia Mose lia ku kuji ya panga, mulambu wa kutumbikila ku usasendote, chizechene ngwe Yehova watumine Mose.

Alevi 9:20

Asele maji ha pambo mba iye walumbile e maji ha chilumbilo.

Alevi 9:21

Alioze pambo ni chilama cha chindume Arone wayihungishile yikapwe mulambu wa kuhungisa kumeso ja Yehova nikulita ni shimbi ja Mose.

Kwalula 6:20

Sasendote akayihungise, mulambu wa kuhungisa kumeso ja Yehova. Kuyapwa yisandu ya sasendote, hamwe ni pambo lia kuhungisa, ni chilama cha kuzundula. Mba kulutwe mwe Kanazireu mahasa kunwa vinyu.

Kwalula 8:11

Arone akahane A-Levi kumeso ja Yehova akapwe mulambu wa kuhungisa wa A-Izalele, hanga akalinge uvumbiko wa Yehova.

Yoano 10:18

Niumwe mauchiza kuli yami, alioze munguutumbika yami mwene. Chiyulo nguli nacho cha kuutumbika, ni chiyulo nguli nacho cha kuwanda cheka nawa. Shimbi yino nayitambwile kuli mwe Tata.

2 Korintu 8:12

Mumu kachi mbunge kuyili, muchipemena chikolo nikulita ngwe mutu mapwa nacho, hi nikulita ko ni chize keshi nacho.

Shimbi 18:3

Atu chatamba kuhana kuli sasendote yuma yino, te ya kuli akwa kulambula yitapo, apwe ngombe, apwe panga, ahane kuli sasendote chilama, ni mbangachi jeswe ni jiali ni lufu.