Alevi 7:18 - MUKANDA USANDU WA ZAMBI 1975

¹⁸ Yifwo yimwe ya chitapo cha mulambu wa sambukila makayilia ha tangwa liamuchitatu, kanda ayitambula; kanda ayalula kuli mukwa kulambula, muyikapwa chuma cha luchisa. Mweswe makayilia makambata uhenge wenyi.

Mukanda Wa Zambi 1970

¹⁸ Nyi mutu makalia yimwe yifwo ha tangwa lia muchitatu, Zambi kechi kutambula mulambu uze, kechi kawalula ngwe Chuma, alioze muukabwa wa luchisa. Mutu yoze makaulia makamona lamba.

Alevi 7:18 Iomraidhean Croise

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Izaya 65:4

Kakutwama mu yifuka nikuhwisa ufuku kuma kwa kuswama. Kakulia yifwo ya ngulu, kali ni mutato wa yuma ya lwaji mu ndeho jo.

Izaya 66:3

Yoze mashiha ngombe kapwa ngwe mukwa kushiha mutu; mukwa kulambula chitapo cha mwanapanga, kapwa ngwe mukwa kumakuna kota ya kawa. Yoze mahana mulambu wa wunga kapwa ngwe mukwa kulambula manyinga a ngulu. Yoze mahana mulambu wa libano wa kwiwuluka kapwa ngwe mukwa kuwahisa kaponya. Wano eswe hatongola majila jo ene; mbunge jo jinawahilila mu yizelwokeso yo.

Jeremia 14:10

Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Ezekiel 18:20

Alma yize muyivulumuna kumuyikafwa. Mwana keshi kumwena lamba uhenge wa tato; chipwe tato keshi kumwena lamba uhenge wa mwana. Ululi wa mukwa ululi kumuukapwa hali iye mwene; ni ungulungulu wa chingulungulu kumuukapwa hali iye mwene.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Alevi 10:17

Kuchi te kunwalile mulambu ha shili muma musandu, se wapwa usandu Wahiana mba hanwahawo kumbata uhenge wa chikungulwila, kufuka shili yo kumeso ja Yehova?

Alevi 10:19

Mba Arone yamba kuli Mose ngwenyi, Musono hatambula mulambu wo ha shili ni mulambu wo wa kulumba kumeso ja Yehova, hindu yuma yipwa haha yanguwananga. Nyi kachi nalianga musono mulambu ha shili kachi chapemenanga kumeso ja Yehova, nyi?

Alevi 11:41

Mba kashitu mweswe wa kukalala ha mavu akapwe wa kuvwisa lwaji kuli yenu. Kanda nukamulia.

Alevi 17:16

Alioze nyi kaakosele hanji kasanyine, akambate uhenge wenyi.

Alevi 19:5

Muze namutambula chitapo cha mulambu wa sambukila kuli Yehova, munuchilambula hanga anutambule kanawa.

Alevi 20:17

Nyi lunga manda ndumbwenyi, mwana wa tato, hanji mwana wa naye, akamone uselesele wenyi ni ndumbwenyi mamona uselesele wa lunga, acho chuma cha sonyi. Akaateteho kwe kumeso ja atu jo mumu hafukula uselesele wa ndumbwenyi. Kashika akambate uhenge wenyi.

Alevi 20:19

Kanda ufukula mwanakwo wa noko hanji yayo, chipwe ndumbwa-tatenu. Acho kufukula usoko wa ha muchima. Akambate uhenge wo.

Alevi 22:16

nikwatwika uhenge ni uhie ha kulia yuma yo yisandu, mumu yami Yehova, mukwa kwasela ku usandu.

Alevi 22:23

Kuji ya ngombe, hanji mwana-panga, yoze uli ni chilio chimwe chisuku, hanji chihi, muhasa kuhana akapwe mulambu wa mbunge alioze kechi kumutambula ha mulambu wa chilakenyo.

Alevi 22:25

Chipwe wamutambula kuli kandaka kanda umulambula akapwe kulia cha Zambi yenu. Se hapwa ni chipa ha kumuwonda, kashika kechi kuhasa kukusalakana.

Alevi 5:17

Nyi umwe mavulumuna ha kulinga chuma chimwe cha yize Yehova hanakanjisa, chipwe kachinyingikine, hindu hahia, mambata uhenge wenyi.

Alevi 7:19

Yifwo yize muyikakwata ha chuma cha luchisa kanda ayilia, akayoche ni kahia, alioze mweswe kanapeme mahasa kulia ye yifwo.

Amose 5:22

Chipwe munungulambula milambu yenu ya kulumba ni ya wunga chichi kuyitambula. Milambu yenu ya sambukila ni yimuna jenu a maji, chipwe kutala chichi kayitala.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

Malaki 1:13

Nwakwamba ngwenu, Ayi yikatalo yipwa haha. Mba nwakunyekununa. Chocho kanambe Yehova-wa-Tujita. Nwakuneha waze akwachika hanji yitonji, hanji akwa misongo; chenacho nwakuneha mulambu! Te munguchitambula ku kwoko lie? Chocho kanambe Yehova.

Kwalula 18:27

Mulambu wenu wa kuzundula makanwalwilawo ngwe mbuto ya ku chizungwilo, ngwe kwoka cha vinyu mu ukamino.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

A-ROMA 4:11

iye watambwile chinyingi cha ungalami, Chijikilo cha ululi wa Ufulielo, uze wapwile nawo shimbu te achili chilima: hanga akapwe tato ya waze eswe akufuliela, chipwe yilima; hanga akalule ululi kuli ayo nawa:

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.