Alevi 7:14 - MUKANDA USANDU WA ZAMBI 1975

¹⁴ Mba akalambule umuwika ukapwe mulambu wa kuzundula kuli Yehova. Muukapwa wa mbala wa sasendote mukwa kusapwila manyinga a mulambu wa sambukila.

Mukanda Wa Zambi 1970

¹⁴ Akalambula Chihanda chimuwika cha mbolo ni mbolo chawana kuli Mwene Zambi. Yili ya mbala ya hako yoze manda manyinga a chimuna ni kwasapwila ku sali lia chilumbilo.

Alevi 7:14 Iomraidhean Croise

Alevi 6:26

Sasendote yoze makaulambula ha shili makaulia. Kumwe kuma kusandu makaulila mu yize ya mbalaka ya chikungulwila.

Kwalula 18:19

Milambu yeswe ya kuzundula ya ku yuma yisandu A-Izalele matambula kuli Yehova, hingunakweheyo yena, ni kuli ana je a malunga, ni kuli ana je a mapwo hamwe ni yena, yikapwe chiyulo cha mutolo. Kuchapwa usendo wa mungwa wa mutolo kumeso ja Yehova kuli yena ni kuli ana je hamwe ni yena.

Kwalula 31:29

Watambule a ku chihanda cho cha hakachi, uchihane kuli sasendote Eleazare, akapwe mulambu wa kuzundula kuli Yehova.

Kwalula 31:41

Mose yahana we mulambu wa kuzundula wa Yehova kuli sasendote Eleazare, ngwe Yehova ambile Mose.

1 Korintu 10:18

Talenu A-Izalele nikulita ni musunya: waze akulia yitapo keshi kuhangana ha chilumbilo, nyi?

Shimbi 18:8

O atambule yihanda ya kulita ya kulia, kuweza ku yuma iye mawana ha kulanjisa chihinga chenyi.