Alevi 7:13 - MUKANDA USANDU WA ZAMBI 1975

¹³ Helu lia yandanda akalambule mbolo ja futunwiso hamwe ni chitapo cha mulambu wenyi wa sambukila ha kusakwila.

Mukanda Wa Zambi 1970

¹³ Akalambula nawa mbolo yakwocha, yize kuyishi yitumbo.

Alevi 7:13 Iomraidhean Croise

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Alevi 2:12

Muhasa kuyilambula kuli Yehova ha mulambu wa mbuto yitangu, alioze kanda yiya ha chilumbilo ha lupembo mupema kuli Yehova.

Alevi 23:17

Munuchiza ku mazuwo jenu mbolo jiali akajihungise ja kulinga ni yihanda yiali ya ku yihanda kumi ya njongo ya efa. Jikapwe ja wunga wafufunuka, ja kwocha ni futunwiso jikapwe ja mbuto yitangu kuli Yehova.

Alevi 23:18

Hamuwika ni mbolo munukunjika ana-mapanga shimbiali a mwaka umuwika keshi chipa, ni chimbembe wa kuji umuwika, ni kuji a mapanga aali. Akapwe mulambu wa kulumba kuli Yehova hamuwika ni mulambu wawo wa wunga, ni milambu yawo ya kunwa, te mulambu wa kahia wa lupembo mupema kuli Yehova.

Amose 4:5

Lambulenu milambu ya kusakwila ya yuma ya futunwiso; tambikenu milambu ya mbunge, nukayambulule, mumu chocho nwakuzanga kulinga, enu A-Izalele. Chocho kanambe Mwene Yehova.

Mateu 13:33

Waatelele chishima chikwo ngwenyi, Wanangana wa malilu kuunapu ngwe futunwiso, yize anjile pwo, aswekele mu njongo jitatu ja wunga, ndo wafutunukine weswe lukombo.

1 Timoteu 4:4

Mumu chitanga cheswe cha Zambi kuchinapeme, kuchatambile kulituna nichimwe nyi machitambula ni kusakwila;