Alevi 7:12 - MUKANDA USANDU WA ZAMBI 1975

¹² Nyi makaulambula ha kusakwila, akatambule hamwe ni chitapo cha kusakwila yandanda kuyishi futunwiso, ya kuchinga ni maji, ni malikemba keshi futunwiso a kulembula ni maji, ni yandanda ya wunga wafufunuka, ya pwocha ni maji.

Mukanda Wa Zambi 1970

¹² Nyi mutu makalambula mulambu uno ha kusakwilila Zambi, akalambula chimuna hamwe ni mbolo yize kuyishi yitumbo. Mbolo yize yikabwa yinene, yakulinga ni wunga wa kuchinga ni maji a olive, hanji mbolo yikepe, yakakwita maji a olive, hanji mbolo yikepe yakulinga ni wunga ha kuchinga ni maji a olive.

Alevi 7:12 Iomraidhean Croise

2 Sango Ja Mianangana 29:31

Hezekia yakumbulula ngwenyi, Se hinwalisela asandu kuli Yehova hikundamenu nukanehe yitapo ni milambu ya kusakwila mu zuwo lia Yehova. Chikungulwila chanehene yitapo ni milambu ya kusakwila, ni waze apwile ni mbunge anehene milambu ya kulumba.

2 Sango Ja Mianangana 33:16

Yatungulula nawa chilumbilo cha Yehova nikulambwilaho yitapo ya milambu ya sambukila ni ya kusakwila. Mba yahana shimbi kuli A-Yunda akavumbike Yehova Zambi ya Izalele.

Nehemia 12:43

Yalambula milambu yinene tangwa lize nikulikwiza; mumu Zambi waahele kulikwiza cha uwahililo unene. Ni mapwo ni ana nawa yalikwiza; chocho uwahililo wa Yerusaleme yawivwa chipwe kusuku.

Miaso (Masamu) 107:8

Kachi atu mahalisa Yehova te, mumu ha utu wa zango lienyi, ni yitango yenyi ya kukomwesa kuli ana ja atu.

Miaso (Masamu) 116:17

Munguhana kuli yena mulambu wa kusakwila. Mungusanyika ha jina lia Yehova.

Miaso (Masamu) 50:23

Mweswawo malambula chitapo cha kusakwila kakunguchichimieka. Yoze malulika kanawa kwenda chenyi mungumusolwela ulamwino wa Zambi.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Alevi 2:4

Muze mukalambula mulambu wa wunga wa kwocha mu forno, ukapwe wa yandanda ya wunga wafufunuka kuushi futunwiso, wa kuchinga ni maji, hanji ukapwe wa malikemba keshi futunwiso a kulembula ni maji.

Alevi 2:5

Nyi mulambu we muukapwa wa kwocha mu forma, ukapwe wa wunga wafufunuka, kuushi futunwiso, wa kuchinga ni maji.

Alevi 22:29

Muze mutapa chitapo cha kusakwilila Yehova, muchitapa hanga akakutambule yena.

Alevi 6:16

Chize muchisalaho Arone ni anenyi a malunga akachilie. Akachilie kuchishi futunwiso kuma kusandu, akachilie mu yize ya mbalaka ya chikungulwila.

Alevi 7:15

Yifwo ya chitapo cha mulambu wa sambukila ha kusakwila, akayilie tangwa lize liene haulambula. Kanda ahichika nichimwe chihanda chayo chikasale ndo chimene.

Amose 4:5

Lambulenu milambu ya kusakwila ya yuma ya futunwiso; tambikenu milambu ya mbunge, nukayambulule, mumu chocho nwakuzanga kulinga, enu A-Izalele. Chocho kanambe Mwene Yehova.

Kwalula 6:15

ni mutonga wa mbolo kujishi futunwiso, ni yandanda ya wunga wafufunuka, wa kuchinga ni maji, ni malikemba keshi futunwiso, a kulembula ni maji, hamwe ni mulambu wayo wa wunga ni milambu yayo ya kunwa.

Luka 17:16

iye wafulamanyine ku yiliato yenyi nikumusakwila, neye Ka-Samaria.

Luka 17:18

Kaawanyine niamwe akuhiluka nikuchichimieka Zambi, shina yono chilambala wika.

A-ROMA 1:21

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

Efesu 5:20

nikusakwila matangwa eswe ha yuma yeswe mu jina lia Mwene wetu Yesu Kristu kuli Zambi kanda mwe Tata.

Hebreu 13:15

Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.