Alevi 7:11 - MUKANDA USANDU WA ZAMBI 1975

¹¹ Yino ye shimbi ya chitapo cha mulambu wa sambukila mutu matambula kuli Yehova.

Mukanda Wa Zambi 1970

¹¹ Shimbi ja milambu ya kulivwa, yize akulambula kuli Mwene Zambi, yino.

Alevi 7:11 Iomraidhean Croise

2 Sango Ja Mianangana 29:31

Hezekia yakumbulula ngwenyi, Se hinwalisela asandu kuli Yehova hikundamenu nukanehe yitapo ni milambu ya kusakwila mu zuwo lia Yehova. Chikungulwila chanehene yitapo ni milambu ya kusakwila, ni waze apwile ni mbunge anehene milambu ya kulumba.

2 Sango Ja Mianangana 33:16

Yatungulula nawa chilumbilo cha Yehova nikulambwilaho yitapo ya milambu ya sambukila ni ya kusakwila. Mba yahana shimbi kuli A-Yunda akavumbike Yehova Zambi ya Izalele.

Yishima 7:14

Yitapo ya milambu ya sambukila nguli nayo. Musono hinamana yilakenyo yami.

Ezekiel 45:15

Ni panga umuwika ha chendo cha kulakaji aali, a ku kelo jipema ja Izalele. Uno wapwa mulambu wa wunga, ni milambu ya kulumba, ni milambu ya sambukila yikaakukile. Chocho kanambe Mwene Yehova.

Alevi 19:6

Makachilia tangwa lioliene lia kuchilambula hanji ha kucha. Chihanda cheswacho chasala ndo tangwa liamuchitatu machocha mu kahia.

Alevi 22:29

Muze mutapa chitapo cha kusakwilila Yehova, muchitapa hanga akakutambule yena.

Alevi 7:10

Mulambu weswe wa wunga chipwe wa kuchinga ni maji chipwe umu, ukapwe wa ana eswe a Arone, mweswawo mutu ni mutu.

Alevi 7:29

Amba kuli A-Izalele ngwe, Mweswe matambula chitapo cha mulambu wa sambukila kuli Yehova akanehe mulambu wenyi kuli Yehova wa ku chitapo cha mulambu wa sambukila.

Amose 5:22

Chipwe munungulambula milambu yenu ya kulumba ni ya wunga chichi kuyitambula. Milambu yenu ya sambukila ni yimuna jenu a maji, chipwe kutala chichi kayitala.

Kwalula 7:23

Yitapo ya milambu ya sambukila yapwile ya ngombe aali, ni kuji a mapanga atano, ni kuji a pembe atano, ni kuji a mapanga atano a mwaka umuwika; uno wapwile mulambu wa Netanele, mwana wa Zuare.