Alevi 6:6 - MUKANDA USANDU WA ZAMBI 1975

⁶ Akanehe kuli Yehova mulambu wenyi wa uhie kuji ya panga wa ku chendo, yoze keshi chipa, nikulita ni ndando makasela ha mulambu wa uhie kuli sasendote.

Mukanda Wa Zambi 1970

⁶ Akaneha mulambu wa kuji a panga hanji pembe, yoze keshi kapalia, kuli hako. Kuuli mulambu wa kuhilwisa ni kuwezela kuli Mwene Zambi. Maakalulika ndando ya che chimuna nikulita ni lumbongo yoze eswe akutayiza.

Alevi 6:6 Iomraidhean Croise

Ezra 10:19

O yalilakenya kulakula mapwo jo, ni se uhie ali nawo, alambwile kuji ya panga wa ku chendo ha uhie wo.

Nehemia 10:35

Tukanehe nawa mbuto yitangu ya mavu, ni mihuko yitangu ya milali yeswe ya mitondo mwaka ha mwaka mu zuwo lia Yehova.

Ezekiel 40:46

ni chipatulo chatalikisa ku Norte, cha asasendote waze akufunga chilumbilo; o ana ja Zadoke, o wika hakachi ka ana ja Levi mahasa kukundama kuli Yehova nikumuvumbika.

Alevi 14:12

Sasendote akande kuji ya panga umuwika akamutambule mulambu wa uhie hamuwika ni njongo ya maji, akayihungise yikapwe mulambu wa kuhungisa kumeso ja Yehova.

Alevi 5:15

Nyi umwe makavulumuna mutonga wa susumuku mu chuma chisandu cha Yehova, akanehe kuli Yehova mulambu wa uhie, kuji ya panga keshi chipa, wa kuchiza ku chendo nikulita ni ndando yize musela mu shekele ja prata, te shekele ya muma musandu, akapwe mulambu wa uhie.

Alevi 5:18

Akanehe kuli sasendote kuji ya panga keshi chipa, wa kuchiza mu chendo, nikulita ni ndando musela ha mulambu wa uhie. Mba sasendote akamufukile mutonga wenyi wa susumuku, te kachinyingikine, amukonekenewo.

Alevi 5:7

Nyi kahashile kuneha mwana-panga akanehe kuli Yehova mulambu wa uhie ha mutonga havulumuna, tutele aali, hanji ana-a-membe aali, umwe akapwe mulambu ha shili, mukwo mulambu wa kulumba.