Alevi 6:26 - MUKANDA USANDU WA ZAMBI 1975

²⁶ Sasendote yoze makaulambula ha shili makaulia. Kumwe kuma kusandu makaulila mu yize ya mbalaka ya chikungulwila.

Mukanda Wa Zambi 1970

²⁶ Hako yoze maulambula yifwo akayilila muma mwa chijila, mu chipanga cha zuwo lia Zambi lia makubu.

Alevi 6:26 Iomraidhean Croise

Kutuhuka 40:33

Yamika yize ya kujingilika tabernakulu ni che chilumbilo. Yazezeleka hina lia kufuka chikolo cha ku yize. Chocho Mose wamanunwine milimo yeswe.

Ezekiel 42:13

Aye yamba kuli yami ngwenyi, Yipatulo ya ku Norte ni yipatulo ya ku Sule hatalanganyi ni yize, ayo yapwa yipatulo yisandu kuze asasendote akwa kukundama kuli Yehova malila milambu yisandu yahiana. Mwenamo matulikila milambu yisandu yahiana—mulambu wa wunga, ni mulambu ha shili, ni mulambu ha uhie, mumu yipatulo yize yisandu.

Ezekiel 46:20

Aye yamba kuli yami ngwenyi, Kuno kwene asasendote makateleka mulambu wa uhie ni mulambu ha shili, ni kuno nawa makocha mulambu wa wunga, mumu kechi kayineha mu yize ya haze akajilike e atu.

Hosea 4:8

Kakulilisa ni shili ya atu jami, kakwivwa kuzo ha uhenge wo.

Alevi 6:16

Chize muchisalaho Arone ni anenyi a malunga akachilie. Akachilie kuchishi futunwiso kuma kusandu, akachilie mu yize ya mbalaka ya chikungulwila.

Alevi 6:17

Kanda akachocha ni futunwiso. Ngunachihana chikapwe chihanda* cho cha milambu yami ya kahia. Chuma chisandu chahiana, chimuwika ni mulambu ha shili, ni mulambu wa uhie.

Alevi 6:29

Malunga eswe hakachi ka asasendote akaulie. Wapwa usandu Wahiana.

Alevi 7:7

Mulambu wa uhie wapwa chizechene ngwe mulambu ha shili. Shimbi yimuwika yikwete; muupwa wa mbala wa sasendote yoze mafuka nawo shili.

1 Korintu 9:13

Kunwanyingikine, nyi? Waze akulingila yuma yisandu kakulia yuma ya ku tembele, ni waze akulingila ku chilumbilo, kakupwa ni chihanda cha ku chilumbilo?