Alevi 6:25 - MUKANDA USANDU WA ZAMBI 1975

²⁵ Amba kuli Arone ni anenyi a malunga ngwe, Shimbi ya mulambu ha shili yino. Kuma kwa kushihila mulambu wa kulumba kwenako akashihile mulambu ha shili kumeso ja Yehova. Wapwa usandu wahiana.

Mukanda Wa Zambi 1970

²⁵ alweze Arone ni ana jenyi a malunga Shimbi ja milambu ya milonga. Chimuna cha mulambu wa milonga akachishihila ku sali lia chilumbilo lia ku norde, kuze akushihila yimuna ya milambu ya kwocha. Uno uli mulambu wa chijila kuhiana.

Alevi 6:25 Iomraidhean Croise

Ezekiel 42:13

Aye yamba kuli yami ngwenyi, Yipatulo ya ku Norte ni yipatulo ya ku Sule hatalanganyi ni yize, ayo yapwa yipatulo yisandu kuze asasendote akwa kukundama kuli Yehova malila milambu yisandu yahiana. Mwenamo matulikila milambu yisandu yahiana—mulambu wa wunga, ni mulambu ha shili, ni mulambu ha uhie, mumu yipatulo yize yisandu.

Alevi 1:11

Akamushihe kumeso ja Yehova ku lumbu lia chilumbilo liatata ku Norte. Mba asasendote, ana ja Arone, akasapwile manyinga jenyi kwa kujingilika ha chilumbilo.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 1:5

Mba akashihe mwe kuji kumeso ja Yehova; asasendote, ana ja Arone, akatambule e manyinga nikwasapwila kwa kujingilika ha chilumbilo chili ku chikolo cha mbalaka ya chikungulwila.

Alevi 21:22

Mahasa kulia ya kulia ya Zambi yenyi, chipwe yisandu yahiana chipwe ye yisandu.

Alevi 4:24

Akase kwoko lienyi ha mutwe wa pembe akamushihe kuze akushiha mulambu wa kulumba kumeso ja Yehova. Wapwa mulambu ha shili.

Alevi 4:29

Akase kwoko lienyi ha mutwe wa mulambu ha shili, akashihe we mulambu ha shili kuze akushiha mulambu wa kulumba.

Alevi 6:17

Kanda akachocha ni futunwiso. Ngunachihana chikapwe chihanda* cho cha milambu yami ya kahia. Chuma chisandu chahiana, chimuwika ni mulambu ha shili, ni mulambu wa uhie.

Alevi 6:24

Yehova yamba kuli Mose ngwenyi,

Alevi 6:29

Malunga eswe hakachi ka asasendote akaulie. Wapwa usandu Wahiana.

Alevi 7:7

Mulambu wa uhie wapwa chizechene ngwe mulambu ha shili. Shimbi yimuwika yikwete; muupwa wa mbala wa sasendote yoze mafuka nawo shili.