Alevi 6:21 - MUKANDA USANDU WA ZAMBI 1975

²¹ Mu forma ya kwochela akaulinge ni maji. Ukaunehe wa pwocha ni maji. Tuyihanda twa kwocha mulambula mulambu wa wunga, ukapwe lupembo mupema kuli Yehova.

Mukanda Wa Zambi 1970

²¹ Chatamba kuuchinga ni maji, ni kuyocha ha jiko, mba makayibalwola ni kuyilambula mulambu wa mbuto. Kuuli lupembo yoze wakuwahila kuli Mwene Zambi.

Alevi 6:21 Iomraidhean Croise

1 Sango Ja Mianangana 23:29

ni ha mbolo ja kutumbieka nawa ni ha wunga wa fufunuka wa mulambu wa wunga upwe wa tumbolo kutushi futunwiso, hanji uze wa kwocha ha chikango, hanji wa kuzambika, ni ha milali yeswe ya njongo ja kweseka;

1 Sango Ja Mianangana 9:31

Ni Matitia, umwe Ka-Levi mwana mutangu wa Ka-Kora Shalume aye kali ni milimo ya kuyula yuma yeswe mayocha mu yikango.

Alevi 11:33

Nyi umwe wayo maholokela mu chikwachilo cha uma, cheswacho chilimo muchikapwa cha luchisa ni che chikwachilo munuchishiha.

Alevi 15:12

Nyi mukwa kuhita makwata ku chikwachilo cha uma machishiha. Chikwachilo cha mutondo machikosongona mu meya.

Alevi 2:5

Nyi mulambu we muukapwa wa kwocha mu forma, ukapwe wa wunga wafufunuka, kuushi futunwiso, wa kuchinga ni maji.

Alevi 6:22

Mba mwe sasendote wa kuwayisa ni maji kumusalakana hakachi ka ana jenyi akaulambule. Chino chiyulo cha mutolo—akaulumbe wupu kuli Yehova.

Alevi 7:12

Nyi makaulambula ha kusakwila, akatambule hamwe ni chitapo cha kusakwila yandanda kuyishi futunwiso, ya kuchinga ni maji, ni malikemba keshi futunwiso a kulembula ni maji, ni yandanda ya wunga wafufunuka, ya pwocha ni maji.

Alevi 7:9

Mba mulambu weswe wa wunga wa kwocha mu forno, hanji wa kulinga mu chikango, hanji mu forma muukapwa wa mbala wa sasendote yoze makaulambula.