Alevi 6:14 - MUKANDA USANDU WA ZAMBI 1975

¹⁴ Shimbi ya mulambu wa wunga yino. Ana ja Arone akaulambule kumeso ja Yehova kulutwe lia chilumbilo.

Mukanda Wa Zambi 1970

¹⁴ Shimbi ja milambu ya mbuto jino. Umwe hako, mwana wa Arone wa lunga, akakunjika mulambu wa mbuto kuli Mwene Zambi kulutwe lia chilumbilo.

Alevi 6:14 Iomraidhean Croise

1 Sango Ja Mianangana 9:31

Ni Matitia, umwe Ka-Levi mwana mutangu wa Ka-Kora Shalume aye kali ni milimo ya kuyula yuma yeswe mayocha mu yikango.

Alevi 1:13

Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:17

Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:9

Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Alevi 10:12

Mba Mose yamba kuli Arone ni kuli Eleazare ni Itama, anenyi a malunga waze asala ngwenyi, Andenu mulambu wa wunga uze wasala wa ku milambu ya kahia kuli Yehova, nukaulie kuushi futunwiso ku lumbu lia chilumbilo, mumu usandu Wahiana.

Alevi 6:13

Kahia mukakayila ha chilumbilo matangwa eswe nikujima, ka.

Alevi 6:15

Akazo-moneko kwoko lienyi lia wunga wafufunuka wa mulambu wa wunga, ni maji jawo, ni libano yeswe yili ha mulambu wa wunga, akayilumbe ha chilumbilo yikapwe ya lupembo mupema, Chiwulwiso chawo kuli Yehova.

Kwalula 15:4

mba mukwa kulambula mulambu wenyi akalambule kuli Yehova mulambu wa wunga wa chihanda chimuwika cha ku kumi lia yihanda ya efa, wunga wafufunuka, wa kuchinga ni maji a chihanda chimuwika cha ku yihanda yiwana ya hine.

Kwalula 15:6

Chipwe ha kuji ya panga ukalulike mulambu wa wunga wa yihanda yiali ya ku kumi lia yihanda ya efa, wunga wafufunuka, wa kuchinga ni chihanda chimuwika cha ku yihanda yitatu ya hine ya maji.

Kwalula 15:9

ukalambule hamwe ni mwe kuji ya ngombe mulambu wa wunga wa yihanda yitatu ya ku kumi lia yihanda ya efa ya wunga wafufunuka, wa kuchinga ni chihanda cha hakachi cha hine ya maji.

Yoano 6:32

Yesu kashika wambile kuli ayo ngwenyi, Pundu, pundu, ngunambe kuli yenu ngivami, Hi Mose ko wanuhele mbolo ya mwilu: alioze Tata kakunwaha mbolo yamwenemwene ya mwilu.