Alevi 6:11 - MUKANDA USANDU WA ZAMBI 1975

¹¹ Akazule mazalo jenyi, akazale akwo eka, akatwale uto haze lia chilombo kuma kupema.

Mukanda Wa Zambi 1970

¹¹ Mba akazale mahina eka hanga akatwale uto ni kuumwangina haze lia musumba kuma kubema.

Alevi 6:11 Iomraidhean Croise

Kutuhuka 29:37

Ukafuke che chilumbilo matangwa shimbiali, ukachisele ku usandu. Chilumbilo chikapwe chisandu chahiana. Yeswayo muyikwata ku chilumbilo yikapwe yisandu.

Ezekiel 44:19

Ha kutuhuka ku yize ya haze kuli atu, mazula mazalo aze akuvumbika no ni kwatulika mu yipatulo yisandu, mba mazala mazalo eka kuchina akajilike atu ni mazalo jo.

Alevi 16:27

Mwe chimbembe wa mulambu ha shili, ni pembe wa mulambu ha shili, manyinga jo haneha muchima kufuka shili ha muma musandu, maambata haze lia chilombo. Ni makupu jo, ni yifwo yo, ni ufwachi wo akayoche mu kahia.

Alevi 24:9

Mujipwa ja mbala ja Arone ni anenyi a malunga. Majilia kumwe kuma kusandu mumu kuli iye mujipwa chihanda chisandu chahiana hakachi ka milambu ya kahia kuli Yehova. Yino chiyulo cha mutolo.

Alevi 4:12

mwe kuji mweswe akamumbate haze lia chilombo kuma kupema ku chichilila cha uto akamwoche ni kahia ha kunyi. Ku chichilila cha uto akamwoche.

Alevi 4:21

Akambate mwe kuji haze lia chilombo, akamwoche ngwe ochele mwe kuji mutangu, mumu mulambu ha shili ya chikungulwila.

Alevi 6:10

Mba sasendote akazale chikuto chenyi cha hina lipema litoma. Akazale kaputula kenyi wa hina lipema litoma ha mujimba wenyi. Akande uto wa mulambu wa kulumba wasala ku kahia ka ha chilumbilo, akautumbike ku shina lia chilumbilo.

Alevi 6:12

Alioze kahia ka ha chilumbilo kumukayilaho, kanda akajima, mwe sasendote akaseho kunyi chimene ha chimene. Akaseho mulambu wa kulumba mu ngango jawo. Akalumbeho nawa maji a milambu ya sambukila.

Alevi 6:20

Mulambu wa Arone ni anenyi a malunga matambula kuli Yehova ha tangwa lize mamuwayisa ni maji, uno; chihanda chimuwika cha ku kumi lia yihanda ya efa ya wunga wafufunuka ukapwe mulambu wa wunga wa tangwa ha tangwa. Chihanda ha chimene, chihanda ha chingoloshi.

Alevi 6:22

Mba mwe sasendote wa kuwayisa ni maji kumusalakana hakachi ka ana jenyi akaulambule. Chino chiyulo cha mutolo—akaulumbe wupu kuli Yehova.

Alevi 7:6

Malunga eswe hakachi ka asasendote mahasa kuulia. Makaulia homa hasandu, wapwa usandu Wahiana.