Alevi 5:9 - MUKANDA USANDU WA ZAMBI 1975

⁹ Akasapwile amwe manyinga a mulambu ha shili ha lumbu lia chilumbilo. Manyinga akwo asala akaazujile ku shina lia chilumbilo—mulambu ha shili.

Mukanda Wa Zambi 1970

⁹ Makasapwila manyinga jenyi ku sali lia chilumbilo. Waze maakasala ho makamwangina kushi lia chilumbilo. Uno uli mulambu wa kuchiza milonga.

Alevi 5:9 Iomraidhean Croise

Izaya 42:21

Yehova wevwile kuwaha mumu ha ululi wenyi, ha kufumanyisa shimbi yenyi nikuyipwisa ya uhenya.

Alevi 1:15

Mwe sasendote akamutwale ku chilumbilo akahonde mutwe wenyi akaulumbe ha chilumbilo. Manyinga akaahichishile ku lumbu lia chilumbilo.

Alevi 1:5

Mba akashihe mwe kuji kumeso ja Yehova; asasendote, ana ja Arone, akatambule e manyinga nikwasapwila kwa kujingilika ha chilumbilo chili ku chikolo cha mbalaka ya chikungulwila.

Alevi 4:18

Akakomone amwe manyinga ha mbinga ja chilumbilo chili kumeso ja Yehova mu mbalaka ya chikungulwila. Manyinga eswe asala akaazujile ku shina lia chilumbilo cha milambu ya kulumba chili ku chikolo cha mbalaka ya chikungulwila.

Alevi 4:25

Sasendote makanda amwe manyinga a mulambu ha shili ha munwe wenyi, akaakomone ha mbinga ja chilumbilo cha milambu ya kulumba, mba manyinga asala akaazujile ku shina lia chilumbilo cha milambu ya kulumba.

Alevi 4:30

Sasendote makanda amwe manyinga ha munwe wenyi akaakomone ha mbinga ja chilumbilo cha milambu ya kulumba, mba manyinga eswe asala akaazujile ku shina lia chilumbilo.

Alevi 4:34

Mwe sasendote makanda ha munwe wenyi amwe manyinga a mulambu ha shili akaakomone ha mbinga ja chilumbilo cha milambu ya kulumba, mba manyinga eswe asala akaazujile ku shina lia chilumbilo.

Alevi 4:7

Sasendote akakomone amwe manyinga ha mbinga ja chilumbilo cha insensu ya lupembo mupema kumeso ja Yehova, chili mu mbalaka ya chikungulwila. Mba manyinga eswe asala a mwe kuji makaazujila ku shina lia chilumbilo cha milambu ya kulumba chili ku chikolo cha mbalaka ya chikungulwila.

Alevi 7:2

Kuze akushihila mulambu wa kulumba, kwenako akashihile mulambu wa uhie. Manyinga jawo akaasapwile kwa kujingilika ha chilumbilo.

Hebreu 12:24

ni kuli Yesu mwe chitakanyishi cha usendo waha, ni ku manyinga a kusapwila waze akuhanjika yuma yipema yahiana Abele.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.