Alevi 5:6 - MUKANDA USANDU WA ZAMBI 1975

⁶ Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Mukanda Wa Zambi 1970

⁶ ni kuneha mulambu kuli Mwene Zambi. Ukabwa wa chihwo cha panga hanji pembe. Mba hako akalambule we mulambu ha mulonga wa mutu yoze.

Alevi 5:6 Iomraidhean Croise

Ezekiel 40:39

Mu senge Ka chikolo mwapwile mesa jiali sali, mesa jiali sali, haze mashihila mulambu wa kulumba, ni mulambu ha shili, ni mulambu ha uhie.

Ezekiel 42:13

Aye yamba kuli yami ngwenyi, Yipatulo ya ku Norte ni yipatulo ya ku Sule hatalanganyi ni yize, ayo yapwa yipatulo yisandu kuze asasendote akwa kukundama kuli Yehova malila milambu yisandu yahiana. Mwenamo matulikila milambu yisandu yahiana—mulambu wa wunga, ni mulambu ha shili, ni mulambu ha uhie, mumu yipatulo yize yisandu.

Ezekiel 44:27

Mba ha tangwa lize manjila mu zuwo lisandu, mu yiz ya muchima akavumbike mu zuwo lisandu, malambula mulambu wenyi ha shili. Chocho kanambe Mwene Yehova.

Alevi 4:20

Chocho akalinge ni mwe kuji, chizechene alingile ni mwe kuji wa mulambu ha shili chocho akalinge ni yono. Mwe sasendote akafuke shili yo mba makaakonekenayo.

Alevi 4:28

nyi mamulweza mutonga wenyi havulumuna, akanehe mulambu wenyi, chihwo cha pembe keshi chipa ha mutonga wenyi havulumuna.

Alevi 4:31

Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Alevi 4:32

Nyi makaneha mwana-panga akapwe mulambu ha shili akamunehe chihwo keshi chipa.

Alevi 4:35

Maji jawo eswe akaachizeho ngwe maji a mwana-panga akwachiza ku yitapo ya milambu ya sambukila. Mba sasendote akaalumbe ha chilumbilo nikulita ni milambu ya kahia kuli Yehova. Chocho mwe sasendote akamufukile shili yenyi hanga amukonekeneyo.

Alevi 6:6

Akanehe kuli Yehova mulambu wenyi wa uhie kuji ya panga wa ku chendo, yoze keshi chipa, nikulita ni ndando makasela ha mulambu wa uhie kuli sasendote.

Kwalula 6:12

Iye akalihandunwine kuli Yehova ha matangwa a kulihandununa chenyi. Akatwale kuji ya panga wa mwaka umuwika akapwe mulambu wa uhie. Alioze matangwa a kunyima matoka mumu te kulihandununa chenyi hichapiha.