Alevi 5:18 - MUKANDA USANDU WA ZAMBI 1975

¹⁸ Akanehe kuli sasendote kuji ya panga keshi chipa, wa kuchiza mu chendo, nikulita ni ndando musela ha mulambu wa uhie. Mba sasendote akamufukile mutonga wenyi wa susumuku, te kachinyingikine, amukonekenewo.

Mukanda Wa Zambi 1970

¹⁸ Chamutamba kuneha kuli hako mulambu wa kuhilwisa ni kuwezela, kuji a panga hanji pembe yoze keshi kapalia. Atu maakalulika ndando ya che chimuna nikulita ni lumbongo yoze eswe akutayiza. Hako akalambula mulambu wa mulonga wa mutu yoze, mba Zambi makamukonekena.

Alevi 5:18 Iomraidhean Croise

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 1:4

Mwe mutu akase kwoko lienyi ha mutwe wa mulambu wa kulumba akamusalakane, akafuke kuhona chenyi.

Alevi 14:12

Sasendote akande kuji ya panga umuwika akamutambule mulambu wa uhie hamuwika ni njongo ya maji, akayihungise yikapwe mulambu wa kuhungisa kumeso ja Yehova.

Alevi 4:20

Chocho akalinge ni mwe kuji, chizechene alingile ni mwe kuji wa mulambu ha shili chocho akalinge ni yono. Mwe sasendote akafuke shili yo mba makaakonekenayo.

Alevi 5:17

Nyi umwe mavulumuna ha kulinga chuma chimwe cha yize Yehova hanakanjisa, chipwe kachinyingikine, hindu hahia, mambata uhenge wenyi.

Alevi 5:19

Wapwa mulambu wa uhie, se hapwa ni uhiso kumeso ja Yehova.

Kwalula 15:24

nyi nwachilinga, kunwachinyingikine, te chikungulwila kachinyingikine, chikungulwila cheswe akalambule chimbembe wa kuji akapwe mulambu wa kulumba, wa lupembo mupema kuli Yehova, hamwe ni mulambu wawo wa wunga ni mulambu wawo wa kunwa, nikulita ni chiyulo, ni kuji ya pembe umuwika mulambu ha shili.