Alevi 5:17 - MUKANDA USANDU WA ZAMBI 1975

¹⁷ Nyi umwe mavulumuna ha kulinga chuma chimwe cha yize Yehova hanakanjisa, chipwe kachinyingikine, hindu hahia, mambata uhenge wenyi.

Mukanda Wa Zambi 1970

¹⁷ Nyi umwe mutu havulumuna Mwene Zambi mulonga uze te kaunyigikine, hindu kanahi, chamutamba kufweta.

Alevi 5:17 Iomraidhean Croise

Miaso (Masamu) 19:12

Iya manyingika kupianguka chenyi? Ngupemese kama ku tupalia twa kusweka.

Alevi 4:13

Nyi kachi chikungulwila cheswe cha Izalele muchikavulumuna mutonga wa susumuku, che chuma chinaswame ku meso ja chikungulwila, hanji halinga yimwe yuma Yehova hanayikanjisa, mba hahia,

Alevi 4:22

Muze mukwa kuyula makavulumuna mutonga wa susumuku ha chuma cheswacho cha yuma yize Yehova Zambi yenyi hanayikanjisa, mba hahia,

Alevi 4:27

Nyi umwe mutu mweswawo nuvulumuna mutonga wa susumuku mukulinga chuma cheswacho cha yuma yize Yehova hanayikanjisa, mba hahia,

Alevi 5:15

Nyi umwe makavulumuna mutonga wa susumuku mu chuma chisandu cha Yehova, akanehe kuli Yehova mulambu wa uhie, kuji ya panga keshi chipa, wa kuchiza ku chendo nikulita ni ndando yize musela mu shekele ja prata, te shekele ya muma musandu, akapwe mulambu wa uhie.

Alevi 5:18

Akanehe kuli sasendote kuji ya panga keshi chipa, wa kuchiza mu chendo, nikulita ni ndando musela ha mulambu wa uhie. Mba sasendote akamufukile mutonga wenyi wa susumuku, te kachinyingikine, amukonekenewo.

Alevi 5:19

Wapwa mulambu wa uhie, se hapwa ni uhiso kumeso ja Yehova.

Luka 12:48

Alioze yoze kanyingikineko, walingile yuma ya kutela lamba, kumamulamba ni mijiji yikepe. Ni mweswawo mamwaha yinji, kuli iye kumafwetesa yinji: ni kuli yoze makunjika yinji, kuli iye maketa yinji yahiana.

A-ROMA 14:23

Alioze yoze mayambashana, mahia kachi malia, mumu keshi kulia cha ku Ufulielo; ni cheswacho kuchapwile cha Ufulielo, hi shili.